ہے جو سینہ میں جگہ لہکے ہے انگارا سا دل جو پہلو میں ہے بیتاب ہے وہ پارا سا آنکھ لگتی ہے کوئی پل تو ہمیں ہاں اس کا عالم خواب میں ہو جائے ہے نظارا سا دل ہے اس سوزن مژگاں سے مشبک میرا چھوٹنے کیوں لگے خون کا فوارا سا دل کہیں دیدہ کہیں جی ہے کہیں جان کہیں گردش چرخ میں ہر ایک ہے آوارا ...
کیا جامۂ پھلکاری اس گل کی پھبن کا تھا جو تختۂ دامن تھا تختہ وہ چمن کا تھا ہم آگو ہی سمجھے تھے تم گھر کو سدھارو گے جوں صبح گجر باجا ماتھا وہیں ٹھنکا تھا مینا میں نہ ہو جلوہ وہ بادۂ گلگوں کا جامہ میں جو کچھ یارو رنگ اس کے بدن کا تھا نرگس کو کیا ایسا بیمار ان آنکھوں نے ڈھلکا ہی ...
کرو سامان جھولے کا کہ اب برسات آئی ہے گھٹا امڈی ہے بجلی نے چمک اپنی دکھائی ہے اگر جھولے تو میرے دل کے جھولے میں تو اے ظالم رگ جاں سے ترے جھولے کو میں رسی بنائی ہے یہاں ابر سیہ میں آج تیرے سرخ جوڑے نے مجھے شام و شفق دست و گریباں کر دکھائی ہے ادھر ہے کرمک شب تاب ادھر جگنو گلے کا ...
میرے پروانہ کو اب مژدۂ مایوسی ہے کیونکہ وہ پردہ نشیں شعلۂ فانوسی ہے ساقیا دست نگاریں سے ترے مینا میں ہم جو کرتے ہیں نظر جلوۂ طاؤسی ہے جام لبریز چہکتا ہے ید بیضا سا یار کے ہاتھ میں کیا معجزۂ موسی ہے مرتی اس گل پہ ہے بکتا ہے جو کوڑی کوڑی تجھ پہ مرتی نہیں بلبل بھی کچھ الو سی ...
کٹتی ہے کوئی دم یہیں اوقات مزے کی دنیا میں عجب جا ہے خرابات مزے کی کہتا ہے مبارک کوئی کہتا ہے سلامت ہے روٹھ کے ملنا بھی ملاقات مزے کی آگے تو یہ چپ چاپ کا مذکور نہیں تھا ہوتی تھی کئی ڈھب سے عنایات مزے کی بومہ ہے نہ گالی ہے نہ چشمک زدنی ہے کیا ہے جو نہیں آج اشارات مزے کی ہونے دے ...
دوستی چاہ دلی مہر و محبت گزری سیدھے منہ بات بھی کرتا نہیں رت گزری ایک مصرعہ جو پڑھا وصف قد یار میں ہم سرو کے سر پہ گلستاں میں قیامت گزری ہم نشیں پوچھ نہ کچھ چپ ہی بھلی ہے اس سے شب فرقت میں جو کچھ ہم پہ صعوبت گزری صبح کو نام کسی نے جو لیا اس کا یہاں دل مشتاق پہ بے طرح کی حالت ...
سو طرح کا چھوڑ کر آرام تیرے واسطے کو بہ کو پھرتا ہوں اے خود کام تیرے واسطے عشق نے تیرے مجھے اس رنگ کو پہنچا دیا منہ سے ہر اک کے سنا دشنام تیرے واسطے مہر کے مانند کھاتا چرخ پھرتا ہوں خراب صبح سے اے مہ جبیں تا شام تیرے واسطے غنچہ و گل لے رہے ہیں ساقیا مجلس ہیں چل شیشے میرے واسطے ...
بار خاطر باغباں کا نے دل آزار چمن سب سے رہتا ہوں الگ جوں خار دیوار چمن نے دھواں دل سے اٹھے یارو نہ پروانہ جلے آتش خاموش ہوں مانند گلزار چمن صرف آرائش کو ہوں گلہائے کاغذ کی مثال بو کرے مجھ کو نہ کوئی اور نہ درکار چمن بلبل رشتہ بپا لٹکے ہے شاخ گل سے آج سخت الجھیڑے میں ہے یارب گنہ ...
ہم دل و جاں سے خریدار ہیں کن کے ان کے باعث گرمئی بازار ہیں کن کے ان کے یہ خدا جانے کسی کو ہے خبر یا کہ نہیں ہم بھی اک عاشق غم خوار ہیں کن کے ان کے مقتل عشق میں ہم روز ازل سے یارو بسمل غمزۂ خوں خوار ہیں کن کے ان کے تھا جنہیں حسن پرستی سے ہمیشہ انکار وہ بھی اب طالب دیدار ہیں کن کے ان ...
یہ جو ہم سے دو چار بیٹھے ہیں فتنۂ روزگار بیٹھے ہیں تشنۂ خوں یہی ہمارے ہیں یہ جو باندھ کٹار بیٹھے ہیں تیرے کوچے میں جیسے نقش قدم کب سے ہم خاکسار بیٹھے ہیں غیر کے سر پہ تیغ مت کھینچو ہم تمہارے نثارؔ بیٹھے ہیں