ستم کا ہاتھ نہ روکا مگر برا تو کہا جو زیر لب سبھی کہتے تھے برملا تو کہا تمام شہر تھا منکر ترے تعلق سے غریب شہر تجھے ہم نے آشنا تو کہا پگھل رہی ہے تغافل کی برف اب شاید کہ مسکرا کے مجھے یار بے وفا تو کہا وفا کا قحط ہے اتنا کہ اب سر مقتل میں اس پہ خوش ہوں کہ یاروں نے مرحبا تو ...
رقصاں شرار دل تری موج سخن سے تھا تنہائی میں یہ قرب تری انجمن سے تھا میرا سخن ہی تھا مرا سرمایۂ حیات پھر میں ہوا شہید بھی اپنے سخن سے تھا دانشوری کا زہر نہ تھا مجھ پہ کارگر میرے لباس خاص خرد کے کفن سے تھا لٹنے سے بھی سوا تھا شکست یقیں کا غم شب خوں کا احتمال تو تھا راہزن سے ...
کون مصلوب ہوا حسن کا کردار کہ ہم شہرت عشق میں بدنام ہوا یار کہ ہم دن کو تھا کوچۂ دل دار میں سایوں کا ہجوم رات آئی تو گئے سایۂ دیوار کہ ہم عشق کے ربط سے ہے حسن کا پیکر تاباں کٹ کے اب آپ ہوئے نقش بہ دیوار کہ ہم شور تحسین سے ہیں خلق کے چہرے روشن سرخ رو بازوئے قاتل ہے کہ تلوار کہ ...
بستیاں چپ جو ہوئیں بن بولے شہر خاموش میں مدفن بولے باغبانی کا ہے سب کو دعوے آ گیا وقت کہ گلشن بولے نوک خنجر پہ صدا تلتی ہے اب اگر بول سکے فن بولے دل پہ ہیں نقش وہ تیری باتیں جب زباں گنگ ہوئی تن بولے کوئی پیرایۂ اظہار تو ہو چپ ہیں الفاظ تو دھڑکن بولے
سب کی زباں پہ ذکر تری تند خو کا تھا میرے لبوں پہ قفل تری آبرو کا تھا میں گو مگو میں ہی ترے در سے پلٹ گیا آواز دوستوں کی تھی لہجہ عدو کا تھا چارہ گروں کو فکر تھی نام و نمود کی گو اہتمام زخم جگر کے رفو کا تھا میں بحر زندگی میں جزیرہ نما رہا دنیا سے ایک ربط تری آرزو کا تھا ہر خوبرو ...