تم نے یہ ماجرا سنا ہے کیا جو بھی ہونا ہے ہو چکا ہے کیا وہ مسافر جو راستے میں تھا منزلوں سے گزر گیا ہے کیا کوئی ہوتا نہیں ہے آپ کے ساتھ آپ کے ساتھ مسئلہ ہے کیا یہ جو تدبیر کر رہا ہوں میں یہ بھی تقدیر میں لکھا ہے کیا سوچنے والی بات ہے عمرانؔ کوئی یہ بات سوچتا ہے کیا دل بدل جائے ...
ان مکانوں سے بہت دور بہت دور کہیں چل زمانوں سے بہت دور بہت دور کہیں خواب سا ایک جہاں ہے کہ جہاں سب کچھ ہے ان جہانوں سے بہت دور بہت دور کہیں میرے امکان نے دیکھی ہے کنارے کی جھلک بادبانوں سے بہت دور بہت دور کہیں قصہ گو اپنے تخیل میں نکل جاتا ہے داستانوں سے بہت دور بہت دور کہیں آؤ ...
شور میں ارتکاز ملتا ہے تب کہیں جا کے راز ملتا ہے گونج اٹھتی ہے دور تک آواز سوز سے جیسے ساز ملتا ہے آپ ہی آپ ہاتھ ملتے ہوئے زندگی کا جواز ملتا ہے خواب ملتے ہیں مخملیں کس کو کس کو بستر گداز ملتا ہے کس سے ہوتی ہیں راز کی باتیں کس کو وہ بے نیاز ملتا ہے دیکھیے کون سی ہواؤں میں وہ ...
یہ غلط ہے یہ سال ٹھیک نہیں ہر گھڑی کا ملال ٹھیک نہیں زندگی اک خیال خانہ ہے آپ کا یہ خیال ٹھیک نہیں پھول کو دھول کی ضرورت ہے اس قدر دیکھ بھال ٹھیک نہیں گرنے والے نے سر اٹھا کے کہا ان ستاروں کی چال ٹھیک نہیں آئینہ ساز ٹھیک کہتا ہے شیشہ گر کی مثال ٹھیک نہیں ساتھ چلتے رہو مگر ...
ڈھونڈیئے دن رات ہفتوں اور مہینوں کے بٹن لا مکاں میں کھو گئے ہیں ان مکینوں کے بٹن صرف چھونے سے نظر آتا ہے منظر کا فریب دیکھنے میں خوش نما ہیں آبگینوں کے بٹن درس تقویٰ دینے والے کی قبا پر دیکھیے سونے چاندی اور چمکیلے نگینوں کے بٹن اب گریباں چاک کا مطلب بتانے کے لیے کھولنے پڑتے ...
مدت سے آدمی کا یہی مسئلہ رہا پتھر درخت آدمی اس کا خدا رہا دفتر میں فائلوں سے الجھنے کے ساتھ ساتھ اک شخص کار عشق میں بھی مبتلا رہا پہلے وہ کار عشق میں الجھا رہا بہت پھر خود میں وہ خدا کا نشاں ڈھونڈھتا رہا جو کر نہیں سکا نہ سنا اس کا ماجرا جو کام کر رہا تھا بتا اس کا کیا رہا لمحوں ...
تیری مشکل کسی کو کیا معلوم اے میرے دل کسی کو کیا معلوم تیرا رستہ جدا ہی ہے سب سے تیری منزل کسی کو کیا معلوم جو کسی دل میں چل رہی ہے ابھی ایسی محفل کسی کو کیا معلوم دوسروں کے کنارے جانتے ہیں اپنا ساحل کسی کو کیا معلوم یہ ریاضی کا فارمولہ نہیں قیمت دل کسی کو کیا معلوم کتنا آسان ...
ہماری محبت نمو سے نکل کر کلی بن گئی تھی مگر تھی نمو میں نگاہوں سے باتیں کئے جا رہے تھے اٹکتی جھجکتی ہوئی گفتگو میں نہ دے ہم کو الزام تو یہ کہ ہم نے تری چاہ میں کچھ کیا ہی نہیں ہے مکاں کھود ڈالے زماں نوچ ڈالے کہاں آ گئے ہم تری جستجو میں مجھے یہ ملا ہے مجھے وہ ملا ہے مجھے سب ملا ہے ...
زندگی میں جو یہ روانی ہے ایک کردار کی کہانی ہے میں نے اس سے کہا یہ آنسو ہیں اس نے مجھ سے کہا یہ پانی ہے تازہ تازہ ہے تیرا غم عمرانؔ یہ کہانی بڑی پرانی ہے ایک تو سرپھری ہوا کی چال اور کشتی بھی بادبانی ہے زخم جس وقت کی امانت تھا درد اس دور کی نشانی ہے شعر جس کو سمجھ رہے ہیں ...
رفتہ رفتہ سب کچھ اچھا ہو جائے گا ان شاء اللہ سب کچھ اچھا ہو جائے گا آڑے ترچھے منظر سیدھے ہو جائیں گے الٹا سیدھا سب کچھ اچھا ہو جائے گا دکھ سے سکھ کا رشتہ جس دن جان گئے ہم رونا ہنسنا سب کچھ اچھا ہو جائے گا مل جائے گا جب رستوں سے اپنا رستہ آنا جانا سب کچھ اچھا ہو جائے گا جب رستے ...