قاصد تو خط کو لایا ہے کیوں کر کھلا ہوا خط ہے کہ ہے یہ میرا مقدر کھلا ہوا پڑتے ہی اک نظر ہوا زخمی دل و جگر قاتل تری نظر ہے کہ خنجر کھلا ہوا قاصد سے کیا کہوں میں لکھوں خط میں ان کو کیا پنہاں کے دل کا حال ہے ان پر کھلا ہوا
آنکھوں سے کبھی کوچۂ جاناں نہیں دیکھا بلبل ہوں مگر صحن گلستاں نہیں دیکھا کہتے ہیں دوپٹے سے چھپا کر رخ روشن دیکھو یہ چراغ تہ داماں نہیں دیکھا
ماتم کدہ بنا ہے گلستاں ترے بغیر ہر گل ہوا ہے چاک گریباں ترے بغیر لمحات پر سکون کہاں اور میں کہاں بکھرا پڑا ہے ہوش کا ساماں ترے بغیر
آتا ہے کوئی لطف کا ساماں لیے ہوئے ہشیار اے خیال پریشاں لیے ہوئے اس سے نہ اضطراب محبت کو پوچھیے جو جی رہا ہو درد کا احساں لئے ہوئے بے چین کروٹوں سے یہ ظاہر ہے صاف صاف پنہاں ہی دل میں ہے غم پنہاں لیے ہوئے
یہی اک مشغلہ شام و سحر ہے تصور ہے ترا اور چشم تر ہے اسے ذکر بہار و باغ سے کیا قفس کو جو سمجھتا ہو کہ گھر ہے شب فرقت ہے اپنی کیسی پنہاں کہ جس کی شام محروم سحر ہے