بے خودی ساتھ ہے مزے میں ہوں اپنی ہی ذات کے نشے میں ہوں عکس جیسے ہو کوئی دریا میں ایسے پانی کے بلبلے میں ہوں تو بھلے میرا اعتبار نہ کر زندگی میں ترے کہے میں ہوں کوئی منزل کبھی نہیں آئی راستے میں تھا راستے میں ہوں میری وسعت عجیب ہے آذرؔ پھیل کر بھی میں دائرے میں ہوں
پاؤں میرا پھر پڑا ہے دشت میں وہ ہی آوارہ ہوا ہے دشت میں اب مری تنہائی کم ہو جائے گی اک بگولہ مل گیا ہے دشت میں بستیوں سے بھی زیادہ شور ہے کون اتنا چیختا ہے دشت میں کس طرح خود کو بچائے گا کوئی ایک نادیدہ بلا ہے دشت میں خاک اور کچھ زرد پتوں کے سوا تجھ کو آذرؔ کیا ملا ہے دشت میں
جب کوئی ٹیس دل دکھاتی ہے نبض کچھ دیر رک سی جاتی ہے آج آوارگی سے کہہ دوں گا ایک چوکھٹ مجھے بلاتی ہے گھپ اندھیرے کا فائدہ لے کر اوس پھولوں پہ بیٹھ جاتی ہے کل تلک تو ورق ہی اڑتے تھے اب ہوا حرف بھی اڑاتی ہے جاگتے ہیں سبھی شجر آذرؔ دشت میں کس کو نیند آتی ہے
گر مجھے میری ذات مل جائے اک نئی کائنات مل جائے خواب ہے اس سے بات کرنے کا کوئی خوابوں کی رات مل جائے غم زدہ لوگ سوچتے ہوں گے زندگی سے نجات مل جائے کوئی کچھ بھی بدل نہیں سکتا جس کو جیسی حیات مل جائے پوچھنا چاند کا پتا آذرؔ جب اکیلے میں رات مل جائے
رات دن اک بے بسی زندہ رہی میری آنکھوں میں نمی زندہ رہی ہار جائے گی یقیناً تیرگی گر مسلسل روشنی زندہ رہی پہلے سناٹوں میں وہ موجود تھی شور میں بھی خامشی زندہ رہی ذکر ہوگا اس کا بھی صدیوں تلک کیسے کیسے یہ صدی زندہ رہی درد کو آذرؔ دعا میں کیوں نہ دوں درد ہی سے شاعری زندہ رہی
کیوں چھپاتے ہو کدھر جانا ہے دشت سے کہہ دو کہ گھر جانا ہے مجھ میں بھی پہلے اٹھیں گے طوفاں پھر خموشی کو پسر جانا ہے کوئی کہتا ہے کہ میں ملبہ ہوں کسی نے مجھ کو کھنڈر جانا ہے خاک تو خاک پہ آ بیٹھے گی خاک کو اڑ کے کدھر جانا ہے اس کی نادانی تو دیکھو آذرؔ پھر سے دیوار کو در جانا ہے
سچ ہے یا پھر مغالطہ ہے مجھے کوئی آواز دے رہا ہے مجھے ایک امید جاگ اٹھتی ہے آسماں جب بھی دیکھتا ہے مجھے چھین لیتا ہے میرے سارے گہر جب سمندر کھنگالتا ہے مجھے یہ مراسم بہت پرانے ہیں دشت صدیوں سے جانتا ہے مجھے میری جانب بھی آ ذرا فرصت اپنے بارے میں سوچنا ہے مجھے
حادثہ ہوتا رہا ہے مجھ میں بارہا کوئی مرا ہے مجھ میں میری مٹی کو پتہ ہے سب کچھ کون کب کتنا چلا ہے مجھ میں ختم ہوتا ہی نہیں میرا سفر کوئی تھک ہار گیا ہے مجھ میں اپنے اندر میں سمیٹوں کیا کیا سارا گھر بکھرا پڑا ہے مجھ میں کشتیاں ڈوب رہی ہیں آذرؔ ایک طوفان اٹھا ہے مجھ میں
مرے سفر میں ہی کیوں یہ عذاب آتے ہیں جدھر بھی جاؤں ادھر ہی سراب آتے ہیں تلاش ہے مجھے اب تو انہیں فضاؤں کی جہاں خزاں میں بھی اکثر گلاب آتے ہیں کسی کو ملتا نہیں اک چراغ میلوں تک کسی کی بستی میں سو آفتاب آتے ہیں نہ نکلا کیجیئے راتوں کو گھر سے آپ کبھی سڑک پہ رات میں خانہ خراب آتے ...
دو قدم ساتھ کیا چلا رستہ بن گیا میرا ہم نوا رستہ بچھڑا اپنے مسافروں سے جب کتنا مایوس ہو گیا رستہ سب ہیں منزل کی جستجو میں یہاں کون دیکھے برا بھلا رستہ ایسی ہونے لگی تھکن اس کو دن کے ڈھلتے ہی سو گیا رستہ پھر نئی کائنات دیکھوں گا میرے اندر اگر ملا رستہ تو بڑا خوش نصیب ہے ...