1. صفحۂ اول
  2. قومی زبان
  3. شاعری
  4. اب ہر اک درد کو اس درد کی لذت جانو

اب ہر اک درد کو اس درد کی لذت جانو

اب ہر اک درد کو اس درد کی لذت جانو
اور آنکھوں کو کسی خواب کی قیمت جانو


سب پرندوں کو اسی یاد کا مظہر سمجھو
ساری خوشیوں کو اسی غم کی علامت جانو


حسن دنیا کو اسی شکل کا پرتو سمجھو
زندگی اس کی ہی یادوں کی امانت جانو


کون ملتا ہے کسے صرف محبت کے طفیل
وہ بچھڑ جائے تو اس کو ہی حقیقت جانو


ہر نئے پھول کو موسم کا کرشمہ سمجھو
ہر نئے دشت کو بادل کی سیاست جانو


ڈھونڈتے جاؤ اکیلے سر صحرائے حیات
دشت تنہا کو مگر اس کی رفاقت جانو


اپنے سب ہجر تو سچے نہیں ہوتے ہیں مگر
عالم ہجر میں یادوں کو عبادت جانو


اک نفس بھی تو نہیں عشق کا رستہ عادلؔ
ایک لمحے کی محبت کو غنیمت جانو


تاجدار عادل سے متعلقہ

جو دست اہل محبت کو اختیار ملے

لب تک آیا گلہ ہمیشہ سے

جو مل گیا ہے یہاں جلوۂ خیالی ہے

وہ جو خوابوں کے گھر کا رستہ ہے

یہ بھی موسم عجیب موسم ہے

ہے زمانے کا کاروبار وہی

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن