زیست کب اختتام تک پہنچی صرف مٹی مقام تک پہنچی زندہ رہنے کو تھا حلال بہت پھر بھی دنیا حرام تک پہنچی سرکشی کے نصیب میں پتھر بندگی فیض عام تک پہنچی مسئلہ صرف کرسیوں کا تھا بات بابر سے رام تک پہنچی کام آتی تھی مشکلوں میں کبھی دوستی اب سلام تک پہنچی پردہ اٹھتے ہی گھر کی زینت ...
محبت ہو تو شام غم بھی پر تنویر ہوتی ہے چمک سی دل میں آنکھوں میں کوئی تصویر ہوتی ہے نظر آئے بہت مسرور ارباب چمن مجھ کو نہیں معلوم کیا اس خواب کی تعبیر ہوتی ہے یہی تاریکیاں غم کی پیام امن لائیں گی اندھیروں کے پس پردہ سحر تعمیر ہوتی ہے جوانی کی خطاؤں پر سزائیں داور محشر کہیں ...
خزاں کے خوف سے کلیوں کو لرزاں دیکھ لیتا ہوں ہجوم رنگ و بو میں غم کے طوفاں دیکھ لیتا ہوں بھلا بیٹھا ہوں یاد تلخ ایام گزشتہ کی مگر اب بھی کبھی خواب پریشاں دیکھ لیتا ہوں تڑپ اٹھتا ہوں غم سے سینہ چاکان گلستاں کے گلوں کو دیکھ کر اپنا گریباں دیکھ لیتا ہوں گلوں کی سینہ چاکی بلبلوں کا ...
اک دیے کی لو کف صد آئینہ چمکا گئی روشنی کی اک کرن مہتاب کو شرما گئی ہاتھ ملتا دن کسی امید پر منتج ہوا خستگی بڑھتی ہوئی دیوار شب تک آ گئی اشک شوئی کے لیے تیری حمایت چاہئے دیکھ تیری ہم سبوئی میں یہ نوبت آ گئی عذر خواہانہ نگاہیں حرف چنتی رہ گئیں باز پرساں خامشی اپنی کہی منوا ...
رابطہ بن نہیں رہا راستہ بن نہیں رہا بھیڑ کے ساتھ ہوں مگر قافلہ بن نہیں رہا ناقۂ جاں کو روکئے دور تلک سراب ہے اور یہ دل کہ اب تلک پیشوا بن نہیں رہا زاد سفر نہ پوچھیے زاد سفر کے نام پر بے نمو ایک زخم ہے آبلہ بن نہیں رہا اتنا تو کہہ کہ ہاتھ میں اور کوئی ہنر بھی ہے تیرا سخن ترا کفیل ...
کبھی تو دست ہمہ گیر میں سبو ہو جائے یہ خاک بھی کبھی آسودۂ نمو ہو جائے بیاض دل پہ ترا نقش آشکارا ہو پھر اس کے بعد تری دید کو بہ کو ہو جائے نہیں کہ رنگ حنا میرے ہاتھ پر نہ کھلا ہتھیلیوں کو یہ ضد تھی کہ دل لہو ہو جائے وہ اور ہیں کہ جو سامان زیست مانگتے ہیں پہ اس قدر ہو کہ سامان آبرو ...
کوئی ملال اب بھی آشکار ہو تو معذرت نگاہ آپ سے گلہ گزار ہو تو معذرت سر مژہ عجب عجب چراغ جل اٹھیں اگر نواح چشم جشن نو بہار ہو تو معذرت یہ نخل بے نمو جو برگ و بار لا نہیں سکا بہ فیض دست غیر شاخسار ہو تو معذرت شکستگی کے بعد دل بھی دیکھنے کی چیز ہے نظر پڑے پہ آنکھ شرمسار ہو تو ...
تاک تازہ پر ادائے تازہ تر رکھ دیجیے کچھ نہ کچھ بخشش صبا کے ہاتھ پر رکھ دیجیے دیجیے مت گفتگو کی راہ اس بے راہ کو ان کہی کی تیغ عریاں پر سپر رکھ دیجیے کانپنے لگتا ہے اس لاچار کا نیلا بدن شب کے زانو پر اگر گھبرا کے سر رکھ دیجیے عالم گیتی کی بے لطفی سے گھبرائے نہ دل چاہیے تو اک ...
دیے بجھا دو اور ان دیوں کو جلائے رکھنے کے سارے اسباب تلف کر دو وجود کی سلطنت کے اس پار بھی اندھیرا وجود کی سلطنت کے اس پار بھی اندھیرا ہے تو اچھا گھٹن بڑھا دو کہ سانس رک رک کے اب بھی سینے میں آ رہی ہے کچھ اور میخیں اتار دو آر پار دل کے کچھ اور گہرا چلاؤ نشتر صلیب پر زندگی ابھی کسمسا ...
تیس سال زندگی کی نصف شب نصف شب جس سے وابستہ ہے خوابوں کی نمود خواب جن کی کوکھ میں سانس لیتے اور بھی کچھ خوابچے محفوظ ہیں اپنے ہونے کی خبر دیتے ہوئے درد کی مہمیز کر دیتے ہوئے نو شگفتہ خوابچے کچھ جاں بہ لب خواب و خیال تیس سال زندگی کی نصف شب اور صبح نو کا انتظار صبح نو جو ہو نہ ہو پر ...