قومی زبان

ڈھوتے ڈھوتے صلیب دنیا میں ہو گئے ہم عجیب دنیا میں موت کی راہ ناپنے کے لئے عمر کی ہے جریب دنیا میں پتھروں پر ہمیشہ لکھے گئے آئنوں کے نصیب دنیا میں میری بستی میں جھانک کر دیکھو جی رہے ہیں غریب دنیا میں خود سے نکلیں تو جائیں ہم ببیاکؔ دوسروں کے قریب دنیا میں

میری کوشش ہے آئنہ بھی رہوں اور ٹکرا کے ٹوٹتا بھی رہوں اک قفس میں خیال و بو کی طرح قید بھی میں رہوں رہا بھی رہوں خود سے کہہ لوں میں داستاں اپنی درد میں کچھ تو خوش نوا بھی رہوں ہو نہ جاؤں میں بے حسی کا شکار تجھ سے ملتا رہوں جدا بھی رہوں روز کی کشمکش کے شعلوں میں آگ بھی میں رہوں ...

خیال و فکر کے سب موسموں میں رہتی ہے مری نگاہ کے وہ آئنوں میں رہتی ہے وہ میری چھوٹی سی گڑیا وہ جان سے پیاری وجود ذات کی سب دھڑکنوں میں رہتی ہے اسی کے دم سے مری زندگی حرارت ہے مرے لہو کی سبھی خوشبوؤں میں رہتی ہے مری نظر میں وہ موسم ہے عید کا موسم وہ گھر میں آ کے مرے جن رتوں میں رہتی ...

اب کے حصار ذات سے باہر نکل کے دیکھ شہر گلاب میں کبھی کانٹوں پہ چل کے دیکھ جو بھی ہے جیسا اس کو اسی طرز سے پرکھ اس کو بدل کے دیکھ نہ خود کو بدل کے دیکھ اوروں کی آگ کیا تجھے کندن بنائے گی اپنی بھی آگ میں کبھی چپ چاپ جل کے دیکھ جو تیرے راستے میں ہیں پتھر پڑے ہوئے گر کے تو ان پہ دیکھ ...

اس نے جانے کی کہی ہو جیسے کوئی آندھی سی چلی ہو جیسے آج کچھ ایسی تھکن ہے مجھ کو رات آنکھوں میں کٹی ہو جیسے پھر مری آنکھ سے آنسو ٹپکا کوئی امید بندھی ہو جیسے آج ہنسنے کو بہت جی چاہے دل پہ اک چوٹ لگی ہو جیسے تجھ سے مل کر یہ ہوا ہے محسوس زندگی آج ملی ہو جیسے

قلم کو خون میں غرقاب دیکھتے جاؤ زمین شعر کو شاداب دیکھتے جاؤ نگاہ ہوتے ہوئے سیل خوں پہ چپ رہنا ہمارے شہر کے آداب دیکھتے جاؤ پہنچ گئی ہے سر عرش ان کی خاموشی کہ کشتگاں کو ظفر یاب دیکھتے جاؤ سجائے ماتھے پہ اپنی تمام تعبیریں ہماری آنکھ کے سب خواب دیکھتے جاؤ سلگ رہا ہے کوئی اور جل ...

کوئی بڑھ کر ستم مجھ پر ستم ایجاد کیا کرتا بسایا ہی نہیں جس کو اسے برباد کیا کرتا سکھایا بولنا اس کو زبان بے زبانی سے اگر لب کھول لیتی میں وہ پھر ارشاد کیا کرتا کہاں قد ناپتا میرا بھلا یہ شعر کم قامت سو میرا شعر بھی پا کر سیاسی داد کیا کرتا نکل وہ خود نہیں پاتا شکنج ذات سے ...

بہا کے بستی کو مطلع جو کھل گیا سائیں قبول ہو گئی کہتے ہو وہ دعا سائیں سو اتنا حبس بڑھایا گیا کہ پھر آخر چراغ دے کے خریدی گئی ہوا سائیں یہ کن خطوط پہ دیوار ہم نے کھینچی ہے کوئی برا نہیں ہم میں نہیں بھلا سائیں قطع ہوئی ہیں زبانیں کہ بک گئے ہیں سخن زبان رکھتے ہوئے کوئی چپ رہا ...

کچھ ہے خبر فرشتوں کے جلتے ہیں پر کہاں جاتی ہے بے ادب نگہ پردہ در کہاں یہ شمع و انجمن یہ مے و جام یہ بہار مہمان رات بھر کے ہیں وقت سحر کہاں نظارۂ جمال ہے گو جان زندگی وارفتۂ جمال کو فرصت مگر کہاں دل عرش گاہ حسن ہے دل جلوہ گاہ ناز یہ آپ ہی کا گھر ہے ہماری گزر کہاں ہے وقت نزع اور غم ...

نہ پوچھو جان پر کیا کچھ گزرتی ہے غم دل سے قرار آنا کہاں کا سانس بھی آتی ہے مشکل سے بہ ہر صورت سفینہ ڈوب جاتا ہے محبت کا کبھی ٹکرا کے طوفاں سے کبھی ٹکرا کے ساحل سے اسے کہتے ہیں محرومی اسے کہتے ہیں ناکامی سر منزل پہنچ کر بھی ہوں اب تک دور منزل سے دل بے تاب پاتا ہے سکوں کب جوش الفت ...