میں ہی مطلوب خود ہوں تو ہے عبث آج سے تیری جستجو ہے عبث سادگی میں ہے لاکھ لاکھ بناؤ آئنہ تیرے روبرو ہے عبث مجھ کو دونوں سے کچھ مزا نہ ملا دل عبث دل کی آرزو ہے عبث باد آب آگ خاک گرد روح زشت رویوں میں خوبرو ہے عبث طور و موسیٰ ہیں ذرہ ذرہ میں کب ترا جلوہ چار سو ہے عبث لپٹے ہیں ...
کھڑے ہیں موسیٰ اٹھاؤ پردا دکھاؤ تم آب و تاب عارض حجاب کیوں ہے کہ خود تجلی بنی ہوئی ہے حجاب عارض نہ رک سکے گی ضیائے عارض جو سد رہ ہو نقاب عارض وہ ہوگی بے پردہ رکھ کے پردا غضب کی چنچل ہے تاب عارض چھپا نہ منہ دونوں ہاتھ سے یوں تڑپتی ہے برق تاب عارض لگا نہ دے آگ انگلیوں میں یہ گرمیٔ ...
کنج زنداں میں پڑا سوچتا ہوں کتنا دلچسپ نظارہ ہوگا یہ سلاخوں میں چمکتا ہوا چاند تیرے آنگن میں بھی نکلا ہوگا
باجرے کی فصل سے چڑیاں اڑانے کے لئے ایک دوشیزہ کھڑی ہے کنکروں کے ڈھیر پر وہ جھکی وہ ایک پتھر سنسنایا، وہ گرا کٹ گئے ہیں اس کے جھٹکے سے مرے قلب و جگر
ممکن ہے فضاؤں سے خلاؤں کے جہاں تک جو کچھ بھی ہو آدم کا نشان کف پا ہو ممکن ہے کہ جنت کی بلندی سے اتر کر انسان کی عظمت میں اضافہ ہی ہوا ہو
گرتی ہوئی بوندیں ہیں کہ پارے کی لکیریں بادل ہے کہ بستی پہ گجردم کا دھواں ہے مغموم پپیہا ہے کہ بھٹکا ہوا شاعر جو پوچھتا پھرتا ہے کہاں ہے تو کہاں ہے
کئی برس سے ہے ویران مرغزار شباب اب التفات کے بادل برس رہے ہیں کیوں؟ یہ بوندیاں، یہ پھواریں، یہ رس بھرے جھونکے توقعات کی نعشوں کو ڈس رہے ہیں کیوں؟
مری شکست پہ اک پرتو جمال تو ہے میں کیوں نہ عظمت افتادگی پہ اتراؤں تجھی سے ہے مری آسودہ خاطری کا بھرم ترے غموں کا خزانہ چھنے تو لٹ جاؤں
گائیں ڈکراتی ہوئی پگڈنڈیوں پر آ گئیں مرلیاں ہاتھوں میں لے کر مست چرواہے بڑھے بیریوں کے دھندلے سایوں میں کھڑا ہوں منتظر ایک لڑکی کو گزرنا ہے یہاں سے دن چڑھے
داور حشر مجھے تیری قسم عمر بھر میں نے عبادت کی ہے تو مرا نامۂ اعمال تو دیکھ میں نے انساں سے محبت کی ہے