وہی ہیں قتل و غارت اور وہی کہرام ہے ساقی تمدن اور مذہب کی یہ خونی شام ہے ساقی کمال فن مرا اب تک نہاں ہے ایسے دنیا سے کہ جیوں عبدالحئی میں اک الف گمنام ہے ساقی میری گنگ و جمن تہذیب کی دختر ہے یہ اردو اسے مسلم بنانے کی یہ سازش آم ہے ساقی کریں گے امن کی باتیں دلوں میں بغض رکھیں ...
صحرائے لا حدود میں تشنہ لبی کی خیر ماحول اشک بار میں لب کی ہنسی کی خیر لفاظ سارے بن گئے شاہ سخن یہاں صادق سخن وروں کی سخن پروری کی خیر مشرق میں ہندو و چین کے بازار یوں بڑھے جاہ و جلال مغرب و برطانوی کی خیر ہے عورتوں کی دھوم زمیں سے فلک تلک سعیٔ بقائے شوکت مردانگی کی خیر ارزاں ...
شام آئی ہے لئے ہاتھ میں یادوں کے چراغ وہ ترے ساتھ گزارے ہوئے لمحوں کے چراغ میرے اس گھر میں اندھیرا کبھی ہوتا ہی نہیں ہیں مرے سینے میں جلتے ہوئے زخموں کے چراغ لاکھ طوفان ہوں کٹیا مری روشن ہی رہی ایک برسات سے بجھنے لگے محلوں کے چراغ زندگی تلخ حقیقت کی ہے اندھی سی گلی اپنی آنکھوں ...
تازہ ہوا کے واسطے کھڑکی نہ بن سکا دے دوں کسی کو چھاؤں وہ بدلی نہ بن سکا بیٹا بسا بدیس میں دولت کے ڈھیر پر لیکن وہ بوڑھے باپ کی لاٹھی نہ بن سکا شاعر کا واسطہ بڑا گہرا ہے بھوک سے اس کا کلام آج بھی روٹی نہ بن سکا کیوں کر کروں امید تو مجھ سا بنے گا دوست جیسا میں چاہتا ہوں وہ خود بھی ...
اے بخت! مزے کچھ تو اٹھاؤں میں بھی لذت جو مٹانے میں ہے پاؤں میں بھی کچھ تو نے ملایا مجھے خاک و خوں میں کچھ خاک میں اب خود کو ملاؤں میں بھی
وہ یاس کہ امید کہ چشمے پھوٹیں وہ غم کہ طرب زار بہاریں لوٹیں کیا چیز ہے واللہ یہ مسلک اپنا وہ کفر کہ ایمان کے چھکے چھوٹیں
بت لاکھوں محبت میں تراشے ایسے سینے میں بہت دفن ہیں لاشے ایسے یہ حسرت و ارمان و تمنا کے جلوس دیکھے ہیں بہت ہم نے تماشے ایسے
کچھ اپنی ستائش میں مزہ آتا ہے کچھ عجز و نیائش میں مزہ آتا ہے لذت کی تلاش آہ کہاں لے آئی زخموں کی نمائش میں مزہ آتا ہے
ماضی کی روایات میں گڑ جاتے ہیں مردوں کی طرح قبر میں سڑ جاتے ہیں میں دوست سے بچھڑا ہوا شاعر ہی سہی لوگ اپنے زمانے سے بچھڑ جاتے ہیں
اک ٹیس کلیجے کو مسلتی ہی رہی اک سوت خیالوں میں ابلتی ہی رہی تاریک رہا جادۂ ہستی لیکن اک شمع مرے سینے میں جلتی ہی رہی