قومی زبان

صرف آزار اٹھانے سے کہاں بنتا ہے مجھ سا اسلوب زمانے سے کہاں بنتا ہے آنکھ کو کاٹ کے کچھ نوک پلک سیدھی کی زاویہ سیدھ میں آنے سے کہاں بنتا ہے کچھ نہ کچھ اس میں حقیقت بھی چھپی ہوتی ہے واقعہ بات بنانے سے کہاں بنتا ہے حسن یوسف سی کوئی جنس بھی رکھو اس میں ورنہ بازار سجانے سے کہاں بنتا ...

دل میں کتنی وحشت پالی جا سکتی ہے بیچ کی کوئی راہ نکالی جا سکتی ہے تیرے چھوٹے سے دل میں میں کیا آؤں گا لیکن اک تصویر سنبھالی جا سکتی ہے ذہن بڑا سفاک مصور ہو سکتا ہے سانس تلک زنجیر میں ڈھالی جا سکتی ہے ایسا ہو تو دسترخوان کھلا کر دینا چٹکی میں گھر کی بد حالی جا سکتی ہے جس پر بڑے ...

بول سکتے ہیں مگر بات نہیں کر سکتے وقت ایسا ہے سوالات نہیں کر سکتے فیس بک کا بھی تعلق ہے تعلق کیسا دیکھ سکتے ہیں ملاقات نہیں کر سکتے اتنا گہرا ہے یہاں کنج خرافات کا شور لوگ اب طرفہ مناجات نہیں کر سکتے اڑ تو جائیں شجر خام کے زنداں سے ہم دوست ہے دوست سے ہم ہاتھ نہیں کر سکتے اتنا ...

اپنا اپنا دکھ بتلانا ہوتا ہے مٹی سے تصویر میں آنا ہوتا ہے میری صبح ذرا کچھ دیر سے ہوتی ہے مجھے کسی کو خواب سنانا ہوتا ہے نئے نئے منظر کا حصہ بنتا ہوں جیسے جیسے جسم پرانا ہوتا ہے اک چڑیا مجھ سے بھی پہلے اٹھتی ہے جیسے اس کو دفتر جانا ہوتا ہے یار کتابیں کتنی جھوٹی ہوتی ہیں ان میں ...

کفیل ساعت سیار رکھا ہوتا ہے کہ ہم نے دل یونہی سرشار رکھا ہوتا ہے میں رکھ کے جاتا ہوں کھڑکی میں کچھ گلاب کے پھول کسی نے سایۂ دیوار رکھا ہوتا ہے عجیب لوگ ہیں دیوار شب پہ چلتے ہیں چراغ جیب میں بے کار رکھا ہوتا ہے کبھی کبھار اسے پھل پھول لگنے لگتے ہیں ہمارے شانوں پہ جو بار رکھا ...

میں مسجد احمریں کے دامن پہ ثبت پتھر نواح حیرت کدہ طلسمات عافیت تھا نہ میرا فکر و نظر سے رشتہ نہ میرا ایہام گوئی شیوہ فقط میں شاہد عبادتوں سے چمکتے لمحوں کی داستاں کا درون مسجد کھڑے منارے اذان دیتے تو وادیٔ عشق سے طلوع نماز ہوتی امام اور مقتدی سفیران اہل ایماں حضور یابی کی ندرتوں ...

ریشہ ریشہ گیت کا گوٹا ہر اک انگ میں رقص سانس کے بھیتر کوئل بولے پنچھی جیسا شخص انگلی کے چھلے میں راج کمل کے گورے پنکھ ہائے رے موری پیت نگوڑی ہائے رے مورے پنکھ گالوں پر غازے کے پیچھے درد کے سوکھے پھول لچکیلی بانہوں کی شاخوں پر نفرت کی دھول ٹھمری کے بولوں میں پنہاں اکلاپے کا ...

گھروں میں کوئی پیڑ ہے نہ موتیے کی بیل ہے نہ دال کو بگھارتی ہوئی جوان لڑکیاں کہ سب چلن بدل گیا فراغتوں کے دن گئے گئیں وہ کنج وقت کی سفید ریش ساعتیں شجر کی راہداریاں اجڑ گئیں گھنی دوپہر میں کھلی کھلی سی دھوپ کا سفر بھی رک گیا گلی کے سرخ موڑ پر کنار شام نقرئی لباس میں جمالتی ہوئی ...

کسے ہوئے اکتارے پر ہیں گیندے کے دو پھول مہندی لگے ہاتھوں پر ہیرے موتی جڑے دو نقش بانسری کے ہونٹوں سے نکلے آٹھویں سر کا گیت شام املتاسوں کی سنائے تازہ تازہ نظم آئینے میں گوری کے امراؤ جان سا روپ آنکھوں میں بے تاب تمنا دھڑکن ہے بے ربط دور سمے کے پار سے آنے والا ہے شہزادہ گرد اڑاتی ...

یہ سرخ دھارے قدیم وقتوں کی داستانوں کے سرخ‌ راوی کنار آب فلک ہیں دستار بننے والے نخیل زادے نواح بصرہ میں پھیلتی بد گمان صبحیں فضا میں بے نام سسکیوں کی شکستہ لہریں جنہیں منافق سفارتوں کے حصار نے قتل کر دیا تھا یہیں کہیں ہیں یہ شہر بصرہ جہاں پہ فارس کی اپسرائیں قدیم اونٹوں کی جنگ ...