دل اگر ہوتا تو مل جاتا نشان آرزو تم نے تو مسمار کر ڈالا مکان آرزو نا مکمل رہ گیا آخر بیان آرزو کہتے کہتے سو گئے ہم داستان آرزو دل پہ رکھ لو ہاتھ پھر سننا بیان آرزو داستان آرزو ہے داستان آرزو حضرت موسیٰ یہاں لغزش نہ کر جانا کہیں امتحان آرزو ہے امتحان آرزو دل مرا دشمن سہی لیکن ...
بوجھ اتنا بھر گئی تھی روح سبک نکل کے اک اک کا منتظر تھا دو چار گام چل کے حالانکہ گھر سے تربت کچھ دور تھی نہ اپنی پہنچا مرا جنازہ کاندھے بدل بدل کے
حالات گلستاں پہ بہت ہم نے نظر کی اپنوں کے سوا بات کسی سے نہ کی ڈر کی صیاد کو دیتا ہے پتا نغمۂ بلبل گلچیں کو بلا لیتی ہے خوشبو گل تر کی
کام آئیں شوخیاں نہ ادا کارگر ہوئی جو بات تھی تمہاری وہی بے اثر ہوئی خلوت میں جا کے ہنس دئے کیا اس سے فائدہ صحرا میں پھول کھل گیا کس کو خبر ہوئی
فلک نامہرباں ہے مل رہے ہیں مہرباں پھر بھی بہت کچھ مٹ چکے باقی ہیں الفت کے نشاں پھر بھی محبت دیکھیے ٹھکرا رہے ہیں کارواں والے مگر پیچھے چلی آتی ہے گرد کارواں پھر بھی
پڑھ چکے حسن کی تاریخ کو ہم تیرے بعد عشق آگے نہ بڑھا ایک قدم تیرے بعد آج تک پھر کوئی تصویر نہ ایسی کھینچی جیسے کھا لی ہو مصور نے قسم تیرے بعد
رہا برسات میں اے شیخ میں سوکھا نہ تو سوکھا یہاں تو جس قدر بارش ہوئی اتنا لہو سوکھا بھرا تھا اس قدر پانی ہر اک کوٹھے میں آنگن میں نمازی گھر کی دیواروں پہ کر نکلے وضو سوکھا
بلا سے ہو شام کی سیاہی کہیں تو منزل مری ملے گی ادھر اندھیرے میں چل پڑوں گا جدھر مجھے روشنی ملے گی ہجوم محشر میں کیسا ملنا نظر فریبی بڑی ملے گی کسی سے صورت تری ملے گی کسی سے صورت مری ملے گی تمہاری فرقت میں تنگ آ کر یہ مرنے والوں کا فیصلہ ہے قضا سے جو ہمکنار ہوگا اسے نئی زندگی ملے ...
تم اپنی یاد سے کہہ دو نہ جائے چھوڑ کے دل کہ درد ہجر نہ رکھ دے کہیں مروڑ کے دل اب آپ کے مرے گھر تک قدم نہیں آتے یہ وہ سزا ہے دیا تھا جو ہاتھ جوڑ کے دل خدا رکھے ابھی کمسن ہو قدر کیا جانو ذرا سی دیر میں رکھ دو گے توڑ پھوڑ کے دل لیا تھا جیسے اسی طرح پھیر بھی دیتے یہ کیا کہ پھینک دیا تم ...
اس میں کوئی فریب تو اے آسماں نہیں بجلی وہاں گری ہے جہاں آشیاں نہیں صیاد میں اسیر کہوں کس سے حال دل صرف ایک تو ہے وہ بھی مرا ہم زباں نہیں تم نے دیا ہماری وفاؤں کا کیا جواب یہ ہم وہاں بتائیں گے تم کو یہاں نہیں سجدے جو بت کدے میں کئے میری کیا خطا تم نے کبھی کہا یہ مرا آستاں نہیں گم ...