در و بست عناصر پارہ پارہ ہونے والا ہے جو پہلے ہو چکا ہے پھر دوبارہ ہونے والا ہے گمان مہر میں یہ بات ہی شاید نہیں ہوگی ہویدا خاک سے بھی اک شرارہ ہونے والا ہے کنارہ کر نہ اے دنیا مری ہست زبونی سے کوئی دن میں مرا روشن ستارہ ہونے والا ہے پگھلنے جا رہا ہے پھر سے بحر منجمد کوئی سمندر ...
اگر کچھ بھی مرے گھر سے دم رخصت نکلتا ہے اٹھا لے جائے جس کا جو مری بابت نکلتا ہے یہ ویرانی سی یوں ہی تو نہیں رہتی ہے آنکھوں میں مرے دل ہی سے کوئی جادۂ وحشت نکلتا ہے عجب حیرت سرا ہے یہ جہان تنگ داماں بھی یہاں تو دل بھی دھڑکن سے دم حسرت نکلتا ہے خوش ارزانی ہوئی ہے اس قدر بازار ہستی ...
اب یہ ہنگامۂ دنیا نہیں دیکھا جاتا روز اپنا ہی تماشا نہیں دیکھا جاتا سیر ہستی میں کہیں اور بھی گھوم آتے ہیں ایک ہی شہر تمنا نہیں دیکھا جاتا خنکئ لمس رفاقت ہی بہت ہوتی ہے دھوپ ہم دم ہو تو سایہ نہیں دیکھا جاتا کھول دیتے ہیں پلٹ آنے پہ دروازۂ دل آنے والے کا ارادہ نہیں دیکھا ...
ہوا کا حکم بھی اب کے نظر میں رکھا جائے کسی بھی رخ پہ دریچہ نہ گھر میں رکھا جائے یہ کائنات ابھی تک مرے طواف میں ہے عجب نہیں اسے یوں ہی سفر میں رکھا جائے میں سنگ سادہ ہوں لیکن مری یہ حسرت ہے مکان دوست کے دیوار و در میں رکھا جائے یہ جل بجھے گا اسی زعم آگہی کے سبب دیے کو اور نہ باب ...
تجھ کو اس طرح کہاں چھوڑ کے جانا تھا ہمیں وہ تو اک عہد تھا اور عہد نبھانا تھا ہمیں تم تو اس پار کھڑے تھے تمہیں معلوم کہاں کیسے دریا کے بھنور کاٹ کے آنا تھا ہمیں ان کو لے آیا تھا منزل پہ زمانہ لیکن ہم چلے ہی تھے کہ در پیش زمانہ تھا ہمیں وہ جو اک بار اٹھا لائے تھے ہم عجلت میں پھر وہی ...
وہ خود گیا ہے اس کا اثر تو نہیں گیا زاد سفر گیا ہے سفر تو نہیں گیا موسم ہی صرف بدلا ہے اس کے مزاج کا شاخ ثمر کٹی ہے ثمر تو نہیں گیا دنیا سمجھ رہی ہے اسے بے وفا مگر رستے سے اٹھ گیا ہے وہ گھر تو نہیں گیا رہ رہ کے پوچھتی ہے کف پا سے چاندنی اس راہ سے وہ رشک قمر تو نہیں گیا دشت جنوں پہ ...
مجھے زندگی سے خراج ہی نہیں مل رہا ابھی اس سے میرا مزاج ہی نہیں مل رہا میں بنا رہا ہوں خیال و خواب کی بندشیں مری بندشوں کو رواج ہی نہیں مل رہا مجھے سلطنت تو ملی ہوئی ہے جمال کی کسی عشق کا کوئی تاج ہی نہیں مل رہا مجھے ملنے آئے گا شام کو مرا ہم سخن مرا آئینہ مجھے آج ہی نہیں مل ...
اس رات کسی اور قلمرو میں کہیں تھا تم آئے تو میں اپنے بدن ہی میں نہیں تھا کیا بزم تھی اس بزم میں کون آئے ہوئے تھے مہتاب بھی سورج بھی ستارہ بھی وہیں تھا کچھ نیند سے بوجھل تھیں ترے شہر کی آنکھیں کچھ میری کہانی میں بھی وہ ربط نہیں تھا کہتے ہیں کہ رک سی گئی رفتار زمانہ جب سیر سماوات ...
پھر اس سے قبل کہ بار دگر بنایا جائے یہ آئینہ ہے اسے دیکھ کر بنایا جائے میں سوچتا ہوں ترے لا مکاں کے اس جانب مکان کیسا بنے گا اگر بنایا جائے ذرا ذرا سے کئی نقص ہیں ابھی مجھ میں نئے سرے سے مجھے گوندھ کر بنایا جائے زمین اتنی نہیں ہے کہ پاؤں رکھ پائیں دل خراب کی ضد ہے کہ گھر بنایا ...
ساری ترتیب زمانی مری دیکھی ہوئی ہے اس کی تشکیل پرانی مری دیکھی ہوئی ہے ذرے ذرے کو بتاتا پھروں کیا بحر تھا میں ریگ صحرا نے روانی مری دیکھی ہوئی ہے یہ جو ہستی ہے کبھی خواب ہوا کرتی تھی خواب کی نقل مکانی مری دیکھی ہوئی ہے یوں ہی تو کنج قناعت میں نہیں آیا ہوں خسروی شاہجہانی مری ...