منا چلا پاؤں پاؤں
منا چلا پاؤں پاؤں
بادلوں کی چھاؤں چھاؤں
انگلی چھوڑ کے بھاگا
امی کا دل شاد ہوا
دھوم مچائیں بابا
منا چلا پاؤں پاؤں
ننھے ننھے پیر اٹھائے
چلتے چلتے ڈولا جائے
اک پل سنبھلے اک پل جھومے
چلنے سے پر باز نہ آئے
منا چلا پاؤں پاؤں
گرنے سے وہ نہ گھبرائے
چلنے سے وہ نہ شرمائے
کہتے ہیں ایسا ہی بچہ
اک دن اپنی منزل پائے
منا چلا پاؤں پاؤں
بادلوں کی چھاؤں چھاؤں
انگلی چھوڑ کے بھاگا
امی کا دل شاد ہوا
دھوم مچائیں بابا
منا چلا پاؤں پاؤں