1. صفحۂ اول
  2. قومی زبان
  3. شاعری
  4. جھلملاتے ہوئے آنکھوں میں ستارے لمحے

جھلملاتے ہوئے آنکھوں میں ستارے لمحے

جھلملاتے ہوئے آنکھوں میں ستارے لمحے
مجھ پہ قدرت نے کچھ ایسے بھی اتارے لمحے


بھول جانا تجھے ممکن تو نہیں ہے لیکن
جا تجھے بخش دئے ساتھ گزارے لمحے


ایک نقطے میں سمٹ کر چلے آئے ہیں سبھی
داستانوں میں تھے پھیلے ہوئے سارے لمحے


ہائے کیا دن تھے جنہیں سوچ کے جی اٹھتے ہیں
سوندھی مٹی کی طرح کورے کنوارے لمحے


آج بھی وجہ سیادت ہیں مرے واسطے وہ
تیری قربت نے جو دو چار سنوارے لمحے


جیسے الہام کی صورت وہ اترنے لگ جائیں
میرے ہی دل پہ قمرؔ سب تھکے ہارے لمحے


اقبال احمد قمر سے متعلقہ

بتاؤں کیا تمہیں کس بوجھ سے دبا ہوا ہوں

بات بن جانے کا امکان بھی ہو سکتا ہے

وہ حال دل ہے ترا ساتھ ختم ہونے پر

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن