دھرتی
دھرتی کتنی اچھی ہے
دھرتی کتنی پیاری ہے
دھرتی پیڑ اگاتی ہے
دھرتی پھول کھلاتی ہے
دھرتی رنگ بناتی ہے
دھرتی نور لٹاتی ہے
دھرتی کتنی اچھی ہے
دھرتی کتنی پیاری ہے
دھرتی سب کو پانی دے
چہرہ سب کو دھانی دے
سب کو جوش جوانی دے
خوں میں مست روانی دے
دھرتی کتنی اچھی ہے
دھرتی کتنی پیاری ہے
دھرتی ٹھور ٹھکانہ دے
دھرتی سب کو دانہ دے
موسم سبز سہانا دے
سکھ کا ایک خزانہ دے
دھرتی کتنی اچھی ہے
دھرتی کتنی پیاری ہے
