1. صفحۂ اول
  2. قومی زبان
  3. شاعری
  4. دشت دعا میں تیرے پرستار رہ گئے

دشت دعا میں تیرے پرستار رہ گئے

دشت دعا میں تیرے پرستار رہ گئے
شعلوں کے آبشار میں گلنار رہ گئے


تیرے وصال و ہجر گئے تو گیا مگر
تیری شباہتوں کے سب آزار رہ گئے


جن پر ترے گلاب سے چہرے کے عکس ہیں
میری نظر میں وہ در و دیوار رہ گئے


وہ تو امیر شہر کی آغوش میں گیا
اس کی گلی میں آئنہ بردار رہ گئے


ہم نے لکھے حروف غم جاں ورق ورق
پڑھنے کو گیسو و لب و رخسار رہ گئے


زخم ہنر کے چاہنے والے نہیں رہے
خوش رنگ شہرتوں کے خریدار رہ گئے


جلنے لگے بدن تو برسنے لگا لہو
سورج کی راہ میں رسن و دار رہ گئے


جاذب قریشی سے متعلقہ

تھکن کی گرد سے خوش رنگ آہٹوں میں آ

چہروں کو تو پڑھتے ہیں محبت نہیں کرتے

جلا ہوں دھوپ میں اک شہر رنگ و بو کے لئے

جاں خود شناس ہو تو دعا میں اثر بھی ہے

جاں سوز غموں کا کہیں اظہار نہیں ہے

جب تمہیں یاد کیا رنج ہوا بھول گئے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن