1. صفحۂ اول
  2. قومی زبان
  3. شاعری
  4. تھکن کی گرد سے خوش رنگ آہٹوں میں آ

تھکن کی گرد سے خوش رنگ آہٹوں میں آ

تھکن کی گرد سے خوش رنگ آہٹوں میں آ
عداوتوں کو بھلا دے محبتوں میں آ


نہ جانے کب سے ترا انتظار ہے مجھ کو
کہ نیند توڑ کے بے خواب راستوں میں آ


مرے خیال کے سائے ترے بدن کے عکس
پکارتے ہیں ملاقات کی حدوں میں آ


لپٹ گئی ہے مرے ذہن سے تری خوشبو
میں جل رہا ہوں کہ بارش کے موسموں میں آ


سفر کی دھوپ پگھل جائے گی پرانی ہے
گلاب بن کے مہک میری دھڑکنوں میں آ


بچھڑنا ہے تو بچھڑ جا تبسموں کے ساتھ
جو مجھ سے پیار ہے تجھ کو تو پتھروں میں آ


جو شخص شعلۂ جاں بن گیا نمائش میں
تجھے نہ لوٹ لے وہ میری دھڑکنوں میں آ


جاذب قریشی سے متعلقہ

چہروں کو تو پڑھتے ہیں محبت نہیں کرتے

جلا ہوں دھوپ میں اک شہر رنگ و بو کے لئے

جاں خود شناس ہو تو دعا میں اثر بھی ہے

جاں سوز غموں کا کہیں اظہار نہیں ہے

جب تمہیں یاد کیا رنج ہوا بھول گئے

میرے لہجے میں مرے زخم کی گہرائی ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن