چاند پہ جا پہنچا انسان

جو بھی مشکل راہ میں آئی پل میں تھی آسان
اپنی ہمت سے انساں نے مارا وہ میدان
مٹی بولی میرے دل کا نکلا آج ارمان
چاند پہ جا پہنچا انسان
راکٹ ایک اڑا دھرتی سے اور ہوا میں پہنچا
اس کو ہوا سے کیا لینا تھا دور فضا میں پہنچا
اس سے بھی کچھ آگے نکلا اور خلا میں پہنچا
ہمت میں تجھ پر قربان
چاند پہ جا پہنچا انسان
جو بھی مشکل راہ میں آئی پل میں تھی آسان
اب مریخ بھی دور نہیں ہے چاند پہ جانے والے
تیری ہمت پر نازاں ہیں آج زمانے والے
دور زمیں سے سیاروں کا کھوج لگانے والے
علم و ہنر کی ایک نئی تاریخ بنانے والے
تیرا کام ہے عالی شان
ہمت میں تجھ پر قربان
چاند پہ جا پہنچا انسان
جو بھی مشکل راہ میں آئی پل میں تھی آسان