چیختے چلاتے بچے کو خاموش کرانے کے دوران زیادہ تر والدین اس پر جھلا جاتے ہیں اور یہ آسان بھی ہوتا ہے۔لیکن مار پیٹ اس مسئلے کا محض وقتی حل ہے۔ جب آپ کا بچہ کسی قسم کا خطرناک قدم اٹھارہا ہو اور آپ کے منع کرنے پر مان بھی نہ رہا ہو۔ آپ کے بلانے پر نہ آئے، ذرا سا ہاتھ لگانے پر ہاتھ جھٹک دے یا خدانخواستہ بات بات پر آپ کو یا چھوٹے بہن بھائیوں کو مارنے کو دوڑے تو سمجھ لیجیے بچہ چڑچڑا ہورہا ہے۔
دانت نکالنے کے لیے توانائی کی ضرورت نہیں ہوتی اس کے لیے تکنیک کی ضرورت ہوتی ہے یہ جاننے کے لیے کہ طاقت کہاں سے لگائی جائے۔ اس علاج کے لیے علم اور ہاتھ کی مہارت اور توانائی کی ضرورت ہوتی ہے ، مرد ہونا لازمی نہیں۔ مگر پھر بھی اکثر خاتون ڈاکٹر کو مرد ڈاکٹراور مریض کی طرف سے مذاق کا نشانہ بنایا جاتا ہے جس سے خواتین ڈاکٹروں کی حوصلہ شکنی ہوتی ہے۔
کیا واقعی انسان کو زندگی میں کامیاب ہونے کے لیے ایک سخت روٹین کے ساتھ ہی جینا ضروری ہے۔؟ کیا ایک ہلکی پھلکی روٹین یا کبھی روٹین کا نہ ہونا بھی کامیابی کا ذریعہ بن سکتاہے۔؟اور وہ لوگ کیسے اپنی روٹین طے کریں جنھیں ہر روز زندگی میں نئے نئے چیلنجز طے کرنے پڑتے ہیں۔ کبھی سفرمسلسل درپیش رہتا ہے اور کبھی کسی پراجیکٹ یا منصوبے پر مسلسل کئی کئی دن کام کرنا پڑتا ہے۔ ؟
نئے سال کے آغاز پر جہاں آج سے کچھ سال پہلے تک دنیا بھر کے لوگ خوشی منانے اور نئے سال کے نئے عزائم طے کرنے میں مصروف ہوا کرتے تھے، اس سال دنیا بھر میں بہت سے لوگوں نے 2022 کا آغاز "فلورونا" کے بارے میں مزید معلومات کی تلاش کے ذریعے کیا۔ یہ سلسلہ تب شروع ہوا جب اسرائیل کے محکمہ صحت کی طرف سے یہ خبر سامنے آئی کہ دو حاملہ خواتین کا کورونا وائرس اور فلو دونوں کا ٹیسٹ مثبت آیا ہے۔
کسی میڈیکل اسٹور یا اسپتال کی مشین سے وزن کرنا بالکل بھی مناسب بات نہیں ہے۔ ایسی جگہوں پر دن بھر میں نہ جانے کتنے ہی لوگ مشین پر اپنا وزن چیک کرتے ہیں، جس سے اس کی پیمائش کی صلاحیت آہستہ آہستہ متاثر ہوتی جاتی ہے،اور کسی بھی صورت اس کی کارکردگی کو سو فیصد حد تک درست نہیں کہا جا سکتا۔ مناسب یہی ہے کہ اگر آپ واقعی اپنے بالکل درست اور سو فیصد حد تک قابلِ یقین وزن کی پیمائش اور نوعیت جاننے کو بے چین ہوں تو پہلی بچت سے ہی اپنا ذاتی وزن ماپنے کا آلہ خرید لی جیے ۔ پھر وہ چاہے ڈیجیٹل ہو یا
سلیقہ مندی کسی بھی عورت کا وہ جوہر ہے جو اس کے گھر کو جنت بناتا ہے اور اسی جوہر یا خصوصیت کی غیر موجودگی گھر کو جہنم بنادیتی ہے۔ سلیقہ مندی کا تعلق مالی معاملات سے بھی ہے اور گھر کی تزئین و آرائش اور صفائی ستھرائی سے بھی۔ سلیقہ مند خاتون کے گھر میں داخل ہوتے ہی آپ کو اس بات کا احساس ہوتا ہے کہ اس گھر میں ایک ترتیب ، نظم اور خوب صورتی موجود ہے، اشیاء بکھری نہیں پڑیں، بچوں کی چیزیں ایک خاص ترتیب سے مخصوص جگہوں پر رکھی نظر آتی ہیں۔
دہی کو اینٹی بائیوٹک کا ذخیرہ کہا جائے تو غلط نہ ہوگا۔ یہ نہ صرف خطرناک بیکٹیریا کی ہلاکت کا موجب بنتا ہے بلکہ آنتوں میں پائے جانے والے انتہائی خطرناک بیکٹیریا کو گردوں اور مثانے میں جانے سے قبل ہی ختم کردیتا ہے۔ آنتوں کے زخموں کو مندمل کرنے میں دہی کا ثانی نہیں۔
ہم جانتے ہیں کہ بچوں کو ریاضی کے سوالات حل کروانا، ریاضی کے مسائل کو سمجھنا سکھانا اور زندگی میں استدلال سکھانا ، جو کہ ریاضی کا بنیادی مقصد ہے، والدین کے لیے ایک مشکل اور صبر آزما مرحلہ ہوتا ہے۔ لیکن ریاضی کو آپ تب تک بچے کے لیے مفید اور عملی نہیں بنا سکتے جب تک کہ ریاضی کے تصورات کو ، جو بچے کے لیے بہت اجنبی دکھائی دیتے ہیں، اس کی عملی زندگی سے نہ جوڑ دیں۔
دمہ میں مبتلا مریض کی سانس پھولتی ہے اور وہ ہانپنے لگتا ہے اس لئے اس بیماری کو استھما کا نام دیا گیا ہے۔ دمہ ایک ایسی کیفیت ہے جس میں مریض پورے طبعی طریقے سے سانس لینے میں دشواری محسوس کرتا ہے اور پیہم کھانسے لگتا ہے جس کی وجہ ہوا کی نالیوں کا سکڑ کر تنگ ہو جانا ہے
حکیم عارف عبداللہ صاحب خوبصورت تحریر کے حامل اہل قلم ہیں اور صاحبِ حکمت ہونا تو ان کے نام ہی سے ظاہر ہوتا ہے۔ حکمت کے تمام اسرار و رموز سے آگاہ ہیں اور بحیثیت ایک کامیاب معالج اور ماہرِ غذائیت (nutritionist) خاصی شہرت اور مقبولیت رکھتے ہیں۔