وہ آتے جاتے ادھر دیکھتا ذرا سا ہے نہیں ہے ربط مگر رابطہ ذرا سا ہے یہ کوفیوں کی کہانی ہے میرے دوست مگر یہاں پہ آپ کا بھی تذکرہ ذرا سا ہے اب اس کو کاٹنے میں جانے کتنی عمر لگے ہمارے درمیاں جو فاصلہ ذرا سا ہے نگاہ ایک سڑک ہے اور اس کی منزل دل ادھر سے جاوے تو یہ راستہ ذرا سا ہے تجھے ...
رواں ندی کے کنارے سڑک پہ رک جانا تم آنسوؤں سے نکلنا پلک پہ رک جانا وہ بار بار نہیں بولتا ٹھہرنے کو سو اس کی ایک ذرا سی لچک پہ رک جانا اے میرے یار ترے پیچھے آ رہا ہوں میں تو انتظار کی خاطر فلک پہ رک جانا وہ جس جگہ پہ ملے تھے ہم آخری لمحے تم اس کی سامنے والی سڑک پہ رک جانا
وفور حسن کی لذت سے ٹوٹ جاتے ہیں کچھ آئنے ہیں جو حیرت سے ٹوٹ جاتے ہیں کسی جتن کی ضرورت نہیں پڑے گی تمہیں ہم ایسے لوگ محبت سے ٹوٹ جاتے ہیں زمانہ ان کو بہت جلد مار دیتا ہے جو لوگ اپنی روایت سے ٹوٹ جاتے ہیں کئی زمانے کی سختی بھی جھیل لیتے ہیں کئی وجود حفاظت سے ٹوٹ جاتے ہیں ہم ایسے ...
ادھر جو شخص بھی آیا اسے جواب ہوا کوئی نہیں جو محبت میں کامیاب ہوا وہ خوش نصیب ہیں جن کو خدا کی ذات ملی ہمیں اک آدمی مشکل سے دستیاب ہوا بالآخر آگ دھواں ہو گئی محبت کی کسی کے ساتھ جو دیکھا تھا خواب خواب ہوا تمہارے سامنے کس کو مجال بولنے کی تمہارے سامنے ہر شخص لا جواب ہوا ہمارے ...
جس قدر بھی ہوا ہے خالی ہے یہ جہاں کھوکھلا ہے خالی ہے تم مجھے جس مکاں کا پوچھتے ہو وہ مرے دوست کا ہے خالی ہے قحط نے سارے گھر اجاڑ دیے ایک جو بچ گیا ہے خالی ہے اب جلانے کے کام آئے گا شاخ پر گھونسلہ ہے خالی ہے یعنی کم بولنے میں حکمت ہے اور جو چیختا ہے خالی ہے