خنجر کو رگ جاں سے گزرنے نہیں دے گا وہ شخص مجھے چین سے مرنے نہیں دے گا پھر کوئی نئی آس وہ دے جائے گا دل کو ٹوٹے ہوئے شیشے کو بکھرنے نہیں دے گا دن ڈھلتے نکل آئے گا پھر یاد کا سورج سایہ مرے آنگن میں اترنے نہیں دے گا ہر شخص کو مہمان بنا لے گا وہ لیکن مجھ کو کبھی گھر اپنے ٹھہرنے نہیں ...
تیرے میرے خواب جدا خوابوں کے اسباب جدا میرے دشمن تیرے دوست دونوں کے احباب جدا تیرا میرا ساتھ ہے یوں جوں صحرا سے آب جدا لب سے ساغر کیا ملتے محفل کے آداب جدا سونا سونا دل میرا دریا سے ہے آب جدا
کسی سے خواب کا چرچا نہ کرنا تمناؤں کو بے پردا نہ کرنا زمانہ لاکھ بہکائے مگر تم وفاؤں کا کبھی سودا نہ کرنا خطاؤں کی سزا آخر ملے گی رلائے گا اسے توبہ نہ کرنا بچھڑتے وقت آنسو روک لینا تم اپنے آپ کو رسوا نہ کرنا تمہیں اچھی طرح پہچانتی ہوں وفا کا مجھ سے تم وعدہ نہ کرنا
آنکھوں میں نئے رنگ سجانے نہیں اترے اک عمر ہوئی خواب سہانے نہیں اترے آکاش پہ اڑتے رہے پانی کے پرندے کھیتوں کی مرے پیاس بجھانے نہیں اترے ہر موج تھی بے چین بہکنے کو کبھی سے خود آپ ہی دریا میں نہانے نہیں اترے بے نور ہیں چہرے یہاں مایوس ہے ہر دل امید کی کرنوں کے خزانے نہیں ...
اک تو ہی برباد نہیں کوئی یہاں آباد نہیں میرا دکھ ہے میں جانوں تجھ سے تو فریاد نہیں غم کی ماری دنیا میں کون ہے جو ناشاد نہیں سب ہیں اس کے قبضے میں کوئی یہاں آزاد نہیں ڈر مت اے پنچھی مجھ سے ساتھی ہوں صیاد نہیں
آنکھ میں آنسو ٹھہرا ہے دل پر غم کا پہرا ہے اک دن بھر ہی جائے گا گھاؤ جو دل میں گہرا ہے میری چاروں سمت ابھی رنج و الم کا صحرا ہے خوف کہاں میرے دل میں یہ سردی کا لہرا ہے میری بات پہ کیوں چپ ہے کیا تو گونگا بہرا ہے
توڑ سکو تم شاخ سے مجھ کو ایسی تو میں کلی نہیں ہوں روک سکو تم میری راہیں اتنی اتھلی ندی نہیں ہوں میری باتیں سیدھی سادی مکاری سے بھرے ہوئے تم میرے پاس تو سچائی ہے جھوٹ کپٹ سے بندھی نہیں ہوں بنے ہیں میں نے اپنے سپنے خود ہی اپنی راہ بنائی راہ سے تم بھٹکا دو مجھ کو نیند میں ایسی گھری ...