اردو غزل کے مظاہر ، قواعد اور خصائص
یہاں میر کے اس شعر پر غور کیجئے ، " کچھ نہ دیکھا پھر بجز یک شعلۂ پر پیچ و تاب ، شمع تک تو ہم نے دیکھا تھا کہ پروانہ گیا " ، پہلے مصرعے کا تقریباً نصف حصہ بجز یک شعلہ پر پیچ و تاب، دوسرے مصرعے کی سادگی اور روانی کی وجہ سے کھٹکتا ہی نہیں۔ میر سوز نے فارسی تراکیب سے اجتناب کیا، میر نے انھیں سلیقے سے برتا، آرزو نے فارسی تراکیب سے احتراز کیا۔ یگانہ نے حسب موقع ان سے کام لیا۔ یہی بات دونوں کی شاعری کا درجہ متعین کرنے میں معاون ہے۔