یہ کس کے نام سے روشن تھا گوشوارۂ شب
یہ کس کے نام سے روشن تھا گوشوارۂ شب
کہ آسماں پہ لرزتا رہا ستارۂ شب
تمام روئے نگاریں دل و در و دیوار
کہ یاد مہر نظر حاصل خسارۂ شب
خوشا وہ سر خوشیٔ ساعت شب دیدار
کجا فروغ مہ و مے کجا نظارۂ شب
شب غم و بر شیرین جاں سلام تجھے
خیال ابر سے نکلا ہے ماہ پارۂ شب
نظر الجھتی رہی خال و زلف سے تا دیر
سمجھ میں آ گیا مفہوم استعارۂ شب
فراق یار سے بیگانگی نہیں ثابت
خیال وصل بھی ہوگا جو ہو اشارۂ شب
