اف یہ پابندیاں

ٹھنڈا ٹھنڈا رہنے دو نا
ٹب میں بیٹھا رہنے دو نا
پانی بہتا رہنے دو نا


نا بیٹا انمول ہے پانی
پانچ روپے فی ڈول ہے پانی
نو گھنٹے سے گول ہے پانی


جس کو کھلتا ہے کھلنے دو
بھٹی سا گھر مت جلنے دو
کولر پنکھے سب چلنے دو


کیسی الٹی مت ہے ثمرہ
یہ گندی عادت ہے ثمرہ
بجلی کی قلت ہے ثمرہ


اس گرمی کی ایسی تیسی
پردیسی ہو کار کہ دیسی
بھیا بند نہ کرنا اے سی


بچو چھوڑو بچکانہ پن
بند کرو موٹر کا انجن
تیل بچت کا دن ہے ایمن