صدیوں صدیوں لمحہ بکھرا

صدیوں صدیوں لمحہ بکھرا
کتنا پھیلا کتنا بکھرا


راہوں راہوں راہی بکھرے
منزل منزل رستہ بکھرا


کوچہ کوچہ وحشت پھیلی
بستی بستی صحرا بکھرا


جسم و جان کے رشتے ٹوٹے
درپن درپن چہرا بکھرا


نغمہ نغمہ یادوں کی لے
ٹوٹ کے ساز تمنا بکھرا


محفل محفل توبہ ٹوٹی
ریزہ ریزہ شیشہ بکھرا


کس کو ڈھونڈیں کس کو پائیں
آج ہے ہر تن بکھرا بکھرا


ان سے شررؔ کچھ ایسے بچھڑے
جیون کا ہر سپنا بکھرا