میرے پاس راتوں کی تاریکی میں کھلنے والے پھول ہیں اور بے خوابی دنوں کی مرجھائی ہوئی روشنی ہے اور بینائی میرے پاس لوٹ جانے کو ایک ماضی ہے اور یاد۔۔۔ میرے پاس مصروفیت کی تمام تر رنگا رنگی ہے اور بے معنویت اور ان سب سے پرے کھلنے والی آنکھ میں آسماں کو اوڑھ کر چلتا اور زمین کو بچھونا ...
ایک خواب ہزیمت دنیا ایک آہٹ دوام خواہش کی ایک جوڑی قدیم ہاتھوں کی اور آنکھوں کے بند فرغل میں ایک خواہش ہمیشہ رہنے کی ایک بستر پرانی یادوں کا اور سویا ہوا دل وحشی آہنی انگلیوں کے پنجے میں اک گھنی تیرگی کے رستے میں ذائقہ بھولی بسری بارش کا ایک سایہ جھکا ہوا دل پر دیر تک آسماں سے ...
دن نکلتے ہیں بکھر جاتے ہیں شہر بستے ہیں اجڑ جاتے ہیں دستکیں آہنی دروازے پر سر کو ٹکرا کے پلٹ جاتی ہیں گنبد خامشی گرتا ہی نہیں چلتی رہتی ہے ہوا کھیتوں میں دالانوں میں اور اپنے ہی تلاطم میں اتر جاتی ہے ہر طرف پھول بکھر جاتے ہیں دل کی مٹی پہ کوئی رنگ اترتا ہی نہیں آنکھ نظارۂ موہوم ...
بہت دن رہ لیا کوئے ندامت میں ہزیمت کے بہت سے وار ہم نے سہہ لیے ترا یہ شہر شہر جاں نہیں ہے ترے اس شہر میں اب اور کیا رہنا ہمارے خواب تیرے خار و خس میں تھے ہمارے لفظ تیری پیش و پس میں تھے کہ ہم ہر سانس تیری دسترس میں تھے ترے اجلے دنوں سے ہم کو کیا حصہ ملے گا گدا کے ہاتھ میں ٹوٹا ہوا ...
آگے بڑھنے والے بدن کو کپڑوں پر اوڑھتے اور چھریاں تیز کر کے نکلتے ہیں بھیڑ کو چیر کر راستہ بناتے ناخنوں سے نوچ لیتے ہیں لباس اور عزتیں- سرخ مرچوں سے ہر آنکھ کو اندھا کر دیتے ہیں اور بڑھ جاتے ہیں رعونت بھری مسکراہٹ کے ساتھ چیختے اور چپ کرا دیتے ہیں سر عام رقص کرتے ہیں اور گاڑیاں ...
وقت کوئی شام نہیں جسے وحشت سے ڈھانپا جا سکے نہ کوئی گیت، جس کی لے ہمارے ہونٹوں کی گرفت میں ہو یہ ایک لا متناہی لا تعلق ہے وقت ٹھہرا رہتا ہے ان زمینوں پر جہاں سے نئے قافلے نکل پڑتے ہیں وقت گزاری کے کٹھن سفر پر گزشتہ بہت پیچھے رہ گیا جہاں تک کوئی سڑک نہیں جاتی گاڑی کی کھٹ کھٹ سے شہر ...
کون سے دیس کی بابت پوچھے وقت کے دشت میں پھرتی یہ خنک سرد ہوا کن زمانوں کی یہ مدفون مہک بد نما شہر کی گلیوں میں اڑی پھرتی ہے اور یہ دور تلک پھیلی ہوئی نیند اور خواب سے بوجھل بوجھل اعتبار اور یقیں کی منزل جس کی تائید میں ہر شے ہے بقا ہے لیکن اپنے منظر کے اندھیروں سے پرے ہم خنک سرد ہوا ...
اگر ہمارے دکھوں کا علاج نیند ہے تو کوئی ہم سے زیادہ گہری نیند نہیں سو سکتا اور نہ ہی اتنی آسانی اور خوبصورتی سے کوئی نیند میں چل سکتا ہے اگر ہمارے دکھوں کا علاج جاگنا ہے تو ہم اس قدر جاگ سکتے ہیں کہ ہر رات ہماری آنکھوں میں آرام کر سکتی ہے اور ہر دروازہ ہمارے دل میں کھل سکتا ہے اگر ...
مجھے اچھے لگتے ہیں بادل جب وہ برستے ہیں اور آنکھیں جن میں کوئی بھی بسیرا کر سکتا ہے بکریاں اور بچے جو سڑک پار کر جاتے ہیں اور نہیں دیکھ پاتے اس آہنی ہاتھ کو جو ان کے تعاقب میں دوڑا چلا آتا ہے مجھے اچھے لگتے ہیں ڈاکئے کے قدم اور انسومنیا کی چائے اور بجھی بتی کا موٹر سائیکل جو اشارہ ...
بے فیض ساعتوں میں منہ زور موسموں میں خود سے کلام کرتے اکھڑی ہوئی طنابوں دن بھر کی سختیوں سے اکتا کے سو گئے تھے بارش تھی بے نہایت مٹی سے اٹھ رہی تھی خوشبو کسی وطن کی خوشبو سے جھانکتے تھے گلیاں مکاں دریچے اور بچپنے کے آنگن اک دھوپ کے کنارے آسائشوں کے میداں اڑتے ہوئے پرندے اک اجلے ...