مسافروں سے کہو آسماں کو مت دیکھیں نہ کوئی ابر کا ٹکڑا نہ کوئی تار شفق گذشتہ شام کا اٹھا ہوا وہ گرد و غبار ابھی تلک ہیں فضائیں اسی سے آلودہ وہ ایک آگ کبھی زاد راہ تھی۔ اپنا جہاں قیام کیا تھا وہیں پہ چھوڑ آئے تو اہل قافلہ اب داستان گو سے کہو کوئی روایت کہنہ کوئی حکایت نو جو خوں کو ...
گھور اندھیرے صحراؤں میں جب میں بھٹکا اک ٹیلے پر چڑھ کر چیخا خدایا!! اک سکتے کے بعد جواباً ستر بار اپنی ہی آواز سنائی دی مجھ کو
آؤ آج سے ہم بھی خوف خوف ہو جائیں خوف بھی تو نشہ ہے خوف بھی تو قوت ہے خوف کے لیے بھی تو جان کی ضرورت ہے آؤ اپنی طاقت کو ہم بھی آزما دیکھیں خوف خوف ہو جائیں خود نمائی کے تیور ڈھنگ پردہ داری کے ہم نوائی کے دعوے رنگ دشمنی کے سب، خوف کی علامت ہیں قربتوں کی خواہش میں سر گرانیاں کیا ...
خواب اک پرندہ ہے آنکھ کے قفس میں یہ جب تلک مقید ہے عکس بن کے زندہ ہے خواب اک پرندہ ہے خواب اک پرندہ ہے زرد موسموں میں بھی خوش گوار یادوں کو تازہ کار رکھتا ہے آنے والے موسم کے گیت گنگناتا ہے شاخ شاخ پر مہکے پھول چن کے لاتا ہے اور پھر ہوا کے دوش خوشبوؤں کا ساتھی ہے خواب اک پرندہ ...
ذہن کی عمارت میں یاد اک دریچہ ہے اور اس دریچے کے گرد دور تک پھیلا وقت کا سمندر ہے وقت کے سمندر میں دن مہینے لہریں ہیں تند و تیز لہروں پر تیرتے ہوئے لمحے خوش گلو پرندے ہیں یاد اک دریچہ ہے جب کبھی اکیلے میں دل اداس ہوتا ہے ہم اسی دریچے سے پار جھانک لیتے ہیں وقت کے سمندر میں خوش گوار ...
بجھ گیا تیری محبت کا شرارہ تو کیا ڈوبتے دیکھے ہیں گردوں کے ستارے میں نے سرد ہوتے ہوئے دل برف کی قاشوں کی طرح منجمد ہوتے ہوئے دیکھے ہیں دھارے میں نے
متحد ہو کے اٹھے ظلم کے قدموں سے عوام سارے گم گشتہ عزیزان جہاں مل ہی گئے لاکھ گلشن میں بچھائے تھے خزاں نے کانٹے قدم باد بہار آئے تو گل کھل ہی گئے
موت کو جانتے ہیں اصل حیات ابدی زندگانی کو مگر خوار و زبوں کہتے ہیں ''اگلے وقتوں کے ہیں یہ لوگ انہیں کچھ نہ کہو'' جو زمانے کو تصور کا فسوں کہتے ہیں
ان کے کیا رنگ تھے اب یاد نہیں ہے مجھ کو کتنے آنچل مری تخیئل میں لہرائے ہیں ہائے بھولے ہوئے چہروں کے دل آویز نقوش جھلملاتے ہوئے اشکوں میں جھلک آئے ہیں
پھانس کی طرح ہر اک سانس کھٹکتی ہے مجھے نغمے کیوں گھٹ کے رہے جاتے ہیں دل ہی دل میں راز داں اپنے نظر آتے ہیں ہر سمت مگر پھر بھی تنہائی کا احساس بھری محفل میں