عالیہ امام صاحبہ کے ہاں فیض صاحب کی دعوت تھی ۔ مہدی صاحب ساقی گری کے فرائض سر انجام دے رہے تھے ۔ شعرو شاعری کا دور چل رہا تھا ۔ عالیہ امام کے بہنوئی نے باہر گھر والوں پر برسنا شروع کردیا ۔ ’’عالیہ کا گھر اس قابل نہیں کہ کوئی شریف آدمی اس کے گھر میں رہ سکے‘ سید زادی کہلاتی ہیں اور ...
ان دنوں رسم و رہ شہر نگاراں کیا ہے قاصدا قیمت گلگشت بہاراں کیا ہے کوئے جاناں ہے کہ مقتل ہے کہ مے خانہ ہے آج کل صورت بربادیٔ یاراں کیا ہے
ہم خستہ تنوں سے محتسبو کیا مال منال کا پوچھتے ہو جو عمر سے ہم نے بھر پایا سب سامنے لائے دیتے ہیں دامن میں ہے مشت خاک جگر ساغر میں ہے خون حسرت مے لو ہم نے دامن جھاڑ دیا لو جام الٹائے دیتے ہیں
دیوار شب اور عکس رخ یار سامنے پھر دل کے آئنے سے لہو پھوٹنے لگا پھر وضع احتیاط سے دھندلا گئی نظر پھر ضبط آرزو سے بدن ٹوٹنے لگا
ڈھلتی ہے موج مے کی طرح رات ان دنوں کھلتی ہے صبح گل کی طرح رنگ و بو سے پر ویراں ہیں جام پاس کرو کچھ بہار کا دل آرزو سے پر کرو آنکھیں لہو سے پر
ہزار درد شب آرزو کی راہ میں ہے کوئی ٹھکانہ بتاؤ کہ قافلہ اترے قریب اور بھی آؤ کہ شوق دید مٹے شراب اور پلاؤ کہ کچھ نشہ اترے
آج تنہائی کسی ہم دم دیریں کی طرح کرنے آئی ہے مری ساقی گری شام ڈھلے منتظر بیٹھے ہیں ہم دنوں کہ مہتاب ابھرے اور ترا عکس جھلکنے لگے ہر سائے تلے
رات ڈھلنے لگی ہے سینوں میں آگ سلگاؤ آبگینوں میں دل عشاق کی خبر لینا پھول کھلتے ہیں ان مہینوں میں
مقتل میں نہ مسجد نہ خرابات میں کوئی ہم کس کی امانت ہیں غم کار جہاں دیں شاید کوئی ان میں سے کفن پھاڑ کے نکلے اب جائیں شہیدوں کے مزاروں پہ اذاں دیں
باقی ہے کوئی ساتھ تو بس ایک اسی کا پہلو میں لیے پھرتے ہیں جو درد کسی کا اک عمر سے اس دھن میں کہ ابھرے کوئی خورشید بیٹھے ہیں سہارا لیے شمع سحری کا