رقص کرنا ترا کس نے دیکھا یہاں یہ ہوا اور ہے وہ فضا اور تھی اے مری سر خوشی وحشت جسم و جاں یہ ہوا اور ہے وہ فضا اور تھی اس گلی اس گلی مجھ کو لے کر پھرے اب وہ وحشت نہیں اب وہ حالت نہیں ہے دھڑکنا عجب میرے دل کا یہاں یہ ہوا اور ہے وہ فضا اور تھی وصل لکھتی تھی پہلے ہوا جسم پر خواب بننا ...
بھلے آدمی کہیں باز آ ارے اس پری کے سہاگ سے کہ بنا ہوا ہو جو خاک سے اسے کیا مناسبت آگ سے بہت اپنی تاک بلند تھی کوئی بیس گز کی کمند تھی پر اچھال پھاندا وہ بند تھی ترے چوکیداروں کی جاگ سے بہت آئے مہرے کڑے کڑے وہ جو منڈ جی تھے بڑے بڑے ولے ایسے تو نہ نظر پڑے کہ جو صاف پاک ہوں لاگ سے وہ ...
مل گئے پر حجاب باقی ہے فکر ناز و عتاب باقی ہے بات سب ٹھیک ٹھاک ہے پہ ابھی کچھ سوال و جواب باقی ہے گرچہ معجون کھا چکے لیکن دور جام شراب باقی ہے جھوٹے وعدے سے ان کے یاں اب تک شکوۂ بے حساب باقی ہے گاہ کہتے ہیں شام ہوئی ابھی ذرۂ آفتاب باقی ہے پھر کبھی یہ کہ ابر میں کچھ کچھ پرتو ...
یہ نہیں برق اک فرنگی ہے رعد و باراں فسون جنگی ہے کوئی دنیا سے کیا بھلا مانگے وہ تو بیچاری آپ ننگی ہے واہ دلی کی مسجد جامع جس میں براق فرش سنگی ہے حوصلہ ہے فراخ رندوں کا خرچ کی پر بہت سی تنگی ہے لگ گئے عیب سارے اس کے ساتھ یوں کہا جس کو مرد بنگی ہے ڈرو وحشت کے دھوم دھام سے تم وہ ...
لو فقیروں کی دعا ہر طرح آباد رہو خود رہو موجیں کرو تازے رہو شاد رہو ایرے غیرے وہ جو ہوں شوق سے چٹ کر لو انہیں پر خدا والوں کی کرتے ہوئے امداد رہو قمری باغ بہشت اب جو یہ بے فاختہ ہیں انہیں بھی کہہ دو کہ تم سرو سے آزاد رہو دید اس کی ہے کرو جس نے بنایا سب کچھ نہ کہ ہر لحظہ فدائے گل و ...
چاہتا ہوں تجھے نبیؐ کی قسم حضرت مرتضیٰ علی کی قسم مجھے غمگیں نہ چھوڑ روتا آج تجھے اپنی ہنسی خوشی کی قسم صاف کہہ بیٹھیے نہ جی میں جو ہو آپ کو اپنی سادگی کی قسم میں دلائی قسم تو کہنے لگے ہم نہیں مانتے کسی کی قسم صدقہ ہوتا ہوں جس گھڑی مجھ کو یاد آتی ہے اس پری کی قسم ہائے کہنا وہ ...
تب سے عاشق ہیں ہم اے طفل پری وش تیرے جب سے مکتب میں تو کہتا تھا الف بے تے ثے یاد آتا ہے وہ حرفوں کا اٹھانا اب تک جیم کے پیٹ میں ایک نکتہ ہے اور خالی حے حے کی پر شکل حواصل کی سی آتی ہے نظر نقطہ اس پر جو لگا خے ہوا یہ واہ بے خے دال بھی چھوٹی بہن اس کی ہے جوں آتوجے ایک پرکالہ سا بیٹا ...
دیوار پھاندنے میں دیکھوگے کام میرا جب دھم سے آ کہوں گا صاحب سلام میرا ہمسائے آپ کے میں لیتا ہوں اک حویلی اس شہر میں ہوا جو چندے قیام میرا جو کچھ کہ عرض کی ہے سو کر دکھاؤں گا میں واہی نہ بات سمجھو یوں ہی کلام میرا اچھا مجھے ستاؤ جتنا کہ چاہو میں بھی سمجھوں گا گر ہے انشا اللہ نام ...
یاس و امید و شادی و غم نے دھوم اٹھائی سینہ میں خوب مجھے ہے آج دھما دھم مار کٹائی سینہ میں دید کیا جو وادئ مجنوں ہم نے دھن میں وحشت کے شکل مجسم ہو کے جنوں کی آن سمائی سینہ میں شیخ و برہمن دیر و حرم میں ڈھونڈھتے ہو کیا لا حاصل موند کے آنکھیں دیکھو تو ہے ساری خدائی سینہ میں قہر کیا ...
گاہے گاہے جو ادھر آپ کرم کرتے ہیں وہ ہیں اٹھ جاتے ہیں یہ اور ستم کرتے ہیں جی نہ لگ جائے کہیں تجھ سے اسی واسطے بس رفتہ رفتہ ترے ہم ملنے کو کم کرتے ہیں واقعی یوں تو ذرا دیکھیو سبحان اللہ تیرے دکھلانے کو ہم چشم یہ نم کرتے ہیں عشق میں شرم کہاں ناصح مشفق یہ بجا آپ کو کیا ہے جو اس بات ...