مخالف آندھیوں میں عزم کے دیپک جلاتا ہوں کبھی جب وقت پڑتا ہے تو خود کو آزماتا ہوں میں شہزادہ ہوا کا ہوں خلا میری ریاست ہے کبھی میں اڑتے اڑتے آسماں کو پھاند جاتا ہوں کبھی میں ریت ہی سے کھیلتا رہتا ہوں بچوں سا کبھی میں ذات کے گہرے سمندر میں نہاتا ہوں کبھی بے خود پڑا رہتا ہوں میں ...
لب دریا جو پیاسے مر گئے ہیں جنوں کا نام روشن کر گئے ہیں حسینی قافلہ جب یاد آیا کٹورے آنسوؤں سے بھر گئے ہیں جنہیں سورج نے بھی دیکھا نہ ہوگا وہ ننگے پاؤں ننگے سر گئے ہیں وہ کب کے جا بسے اس پار لیکن کئی یادیں یہاں بھی دھر گئے ہیں جنہیں تھا شوق میلہ دیکھنے کا وہ سارے لوگ اپنے گھر ...
جب میرا گھر بہشت سی گل وادیوں میں تھا اس وقت میں گھرا ہوا شہزادیوں میں تھا وہ دن ہوا ہوئے وہ زمانے گزر گئے بندے کا جب قیام پری زادیوں میں تھا یک بار جو اجڑ گئے بستے ہوئے نگر لگتا ہے کوئی بھوت بھی ان وادیوں میں تھا بیٹھا تھا جس پہ میں نے وہی شاخ کاٹ دی خود میرا ہاتھ ہی مری ...
چاندنی، تارے، ابر کے ٹکڑے ہائے کس قہر کی حسیں ہے رات لیجئے وہ پھوار پڑنے لگی آج کیوں ہوش میں نہیں ہے رات
پانی لے سکتے ہیں دریا سے مگر کوزے میں ہم بہتے دریا کی روانی بند کر سکتے نہیں شعر یوں کہنے کو کہہ لیں لیکن اخترؔ سچ یہ ہے دل کے محسوسات کو لفظوں میں بھر سکتے نہیں
فضا ہے نور کی بارش سے سیم گوں اس وقت جہان مست پہ طاری ہے اک سکوں اس وقت نہ چھیڑ درد جدائی کی داستاں اے دل مجھے خبر نہیں میں کس کے پاس ہوں اس وقت
پھوار، ابر، پرندوں کے گیت، مست ہوا بھرے کٹوروں کی صورت چھلک رہی ہے فضا بہار کان میں کچھ کہہ رہی ہے مجھ سے مگر وہ بے خودی ہے کہ میں کچھ سمجھ نہیں سکتا
دل تو روئے مگر میں گائے جاؤں روح تڑپے میں مسکرائے جاؤں شعر کہتا رہوں یونہی اخترؔ بات بگڑی ہوئی بنائے جاؤں
جی کو ناحق نڈھال کرتے ہو روح کو پائمال کرتے ہو آدمی اور گناہ سے پرہیز! تم بھی اخترؔ کمال کرتے ہو
ہے غم روزگار کا موضوع اک چمن جس میں گل نہیں کھلتے چاہتا ہوں کہ کچھ لکھوں اس پر لیکن الفاظ ہی نہیں ملتے