شاعری

زندگی کرنے کے حیلے نہ بہانے آئے ہم تو دنیا میں فقط خاک اڑانے آئے یاد ماضی میں فراموش کیا فردا کو عرصۂ عشق میں ایسے بھی زمانے آئے دل وہ بستی ہے اجڑ جائے تو بستی ہی نہیں کتنے سادہ ہیں اسے پھر سے بسانے آئے مسئلہ کوئی نہیں ایسا جو حل ہو نہ سکے بس اسی بات پہ دنیا کو منانے آئے وہ ...

یہ جو فطرت میں خاکساری ہے باعث فخر وضع داری ہے صرف دل پر نہیں کوئی قابو اور جو کچھ ہے اختیاری ہے کچھ نہیں کائنات اس کے سوا اک تماشا ہے اک مداری ہے اپنے دل کی شکستگی کے سبب میرؔ صاحب سے رشتے داری ہے اس کا انجام خوب ہے معلوم وقت بے مہر سے جو پیاری ہے کیا زمانہ مٹا سکے گا اسے یہ ...

نہ لذتوں کا بحر تھا نہ خواہشوں کی وادیاں نہ دائرے عذاب کے نہ زاویے ثواب کے بس ایک روشنی اسیر ذات تھی محیط کائنات تھی ازل سے بے لباس تھی تو یوں ہوا کہ دفعتاً مرے بدن کے پیرہن میں چھپ گئی تو لذتوں کا بحر موج زن ہوا تو خواہشوں کی وادیاں سلگ گئیں تو دائرے عذاب کے پھسل گئے تو زاویے ثواب ...

ویسے اس تاریک جنگل کے سفر کے قبل بھی ہاتھ میں اس کے یہی اک ٹمٹماتا کانپتا ننھا دیا تھا کچھ تو شہرت کی ہوس نے اور کچھ احمق بہی خواہوں نے اس کی سادہ لوحی کو سزا دی اس کے طفلانہ ارادہ کو ہوا دی لا کے سرحد پر خدا حافظ کہا اس کے خضاب آلودہ سر کو یہ سعادت دی دھواں کھائی ہوئی بد رنگ دستار ...

وہ اک شے کہ جس کے لیے پاک طینت بزرگوں نے اپنے بدن ذہن کے سارے جوہر گنوائے لہو کے گہر خار زاروں کی پہنائیوں میں لٹائے وہ اک شے جسے ان جیالے بزرگوں نے جیب‌ و گریباں دل و جاں سے بھی بڑھ کے سمجھا جو حاصل ہوئی تو ابھی بام و در سے سیہ رات لپٹی ہوئی تھی سفر کی تھکن یا گراں باری عمر نے ان کے ...

ابھی فقط تین ہی بجے ہیں ابھی تو اس کی رگوں کی کچھ اور روشنائی تنی ہوئی میز پر پڑے فائلوں کے کاغذ میں جذب ہوگی ضرورتیں اس کے ریگ زار حیات کے ننھے ننھے پودوں کی آبیاری کسی کے نازک اداس ہونٹوں پہ مسکراہٹ کی لالہ کاری گداز بانہوں کے نرم حلقے میں گرم سانسوں کی شب گزاری ضرورتوں کا وہ اک ...

غیرت ہے کہ حیا نام اس کا نہ لیا جس کو پکارا اس نے اس گئی رات کے سناٹے میں کون آیا ہے بند دروازے کے مجس میں تو سیتا ہی ہے اور باہر کوئی راون تو نہیں کون ہے کون کی سہمی سی صدا وہ بھی کچھ کہہ نہ سکا میں کے سوا دستکیں رام کے مخصوص زباں رکھتی ہیں گوش سیتا کے لیے مژدۂ جاں رکھتی ہیں بلب روشن ...

علامہ اقبالؔ کے حضور فطرت کا کاروبار تو چلتا ہے آج بھی مہتاب برگ گل پہ پھسلتا ہے آج بھی قدرت نے ہم کو دولت دنیا بھی کم نہ دی سیال زر زمیں سے ابلتا ہے آج بھی دنیا میں روشنی بھی ہمارے ہی دم سے ہے مشرق سے آفتاب نکلتا ہے آج بھی پر منظر غروب بہت دل نشیں ہے کیوں مغرب کی شام اپنی سحر سے ...

ٹوٹتی ریزہ ریزہ سمٹتی ہوئی ساعتوں کی کوئی سطح سادہ نہیں ایک وقفہ کا دامن بھی دھبوں سے خالی نہیں یہ نظر کا نہیں اصل میں اک تضاد نظر کا کرشمہ ہے ورنہ یہ اوراق مہتاب بھی جتنے لگتے ہیں اجلے نہیں منہ کھلی اور لڑکی ہوئی رات سے لمحہ لمحہ بھبکتی ہوئی روشنائی بہت تیز ہے رات کے کوئلے جب ...

راہ تاریک تھی دشوار تھا ہر ایک قدم منزل زیست کے ہر گام پہ ٹھوکر کھائی مشعل‌ عزم لیے پھر بھی میں بڑھتا ہی رہا درد و آلام کی آندھی جو کبھی تیز ہوئی دامن شوق میں مشعل کو چھپایا میں نے بہر بندگی و شعلگی مشعل عزم میری شریانوں کا ہر قطرۂ خوں واقف ہوا دامن شوق بھی جل بجھ کے کہیں راکھ ...