1. صفحۂ اول
  2. قومی زبان
  3. شاعری
  4. پابندیٔ حدود سے بیگانہ چاہئے

پابندیٔ حدود سے بیگانہ چاہئے

پابندیٔ حدود سے بیگانہ چاہئے
داماں بقدر وحشت‌ دیوانہ چاہئے


ہوتا ہے فاش گریۂ پیہم سے راز عشق
اے شمع راز داریٔ پروانہ چاہئے


ذوق عبودیت ہے تعین سے بے نیاز
ہم صورت جبیں در جانانہ چاہئے


بزم نیاز عشق میں ہوں آشنائے ہوش
بے پردہ آج پھر رخ جانانہ چاہئے


اے ذوق عجز جلوہ گہہ یار ہے قریب
پائے طلب میں لغزش مستانہ چاہئے


تابشؔ غم حیات ہی وجہ نشاط ہے
ہر ایک داغ صورت پیمانہ چاہئے


تابش دہلوی سے متعلقہ

ٹوٹ کر عہد تمنا کی طرح

عذاب ٹوٹے دلوں کو ہر اک نفس گزرا

ہر اک داغ دل شمع ساں دیکھتا ہوں

زیر لب رہا نالہ درد کی دوا ہو کر

آغاز گل ہے شوق مگر تیز ابھی سے ہے

سب غم کہیں جسے کہ تمنا کہیں جسے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن