1. صفحۂ اول
  2. قومی زبان
  3. شاعری
  4. نظم لکھنے کو استعارے بہت

نظم لکھنے کو استعارے بہت

نظم لکھنے کو استعارے بہت
ہیں سمجھ دار کو اشارے بہت


گہرے پانی میں خودکشی کیسی
ڈوبنے کو یہاں کنارے بہت


پھول جگنو صبا دھنک تتلی
آئینے پار تھے نظارے بہت


ٹھہریے آپ چل دئے ہیں کہاں
ہیں سوال اور بھی ہمارے بہت


ہار جائے نہ کھیل کھیل میں چاند
وہ اکیلا ہے اور ستارے بہت


کوئی سنتا نہ تھا پس دیوار
جب کہ اس پار سب پکارے بہت


کون جیتا بلا سے کیا معلوم
ہم تو کھیلے بنا بھی ہارے بہت


کیسے کہہ دوں کہ دل کی باتوں میں
فائدے کم رہے خسارے بہت


زندہ درگور ہو گئے خود میں
ہم تھے سچائیوں کے مارے بہت


سیما نقوی سے متعلقہ

صبح ازل سے شام ابد تک آنا جانا ہوتا ہے

سانحے لاکھ سہی ہم پہ گزرنے والے

میں تو نہیں ہوں ان کے جیسی یہ تو اڑنا جانے ہیں

پاس آنے پہ وہ انساں بھی نہیں لگتے ہیں (ردیف .. ے)

ہمیشہ دور رہ کر بھی ہمیشہ پاس ہوتا ہے

کتاب ہجر میں اک حرف نارسا کی طرح

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن