مسجد و مندر کا یوں جھگڑا مٹانا چاہیے

مسجد و مندر کا یوں جھگڑا مٹانا چاہیے
اس زمیں پر پیار کا اک گھر بنانا چاہیے


مذہبوں میں کیا لکھا ہے یہ بتانا چاہیے
اس کو گیتا اور اسے قرآں پڑھانا چاہیے


وہ دیوالی ہو کے بیساکھی ہو کرسمس ہو کے عید
ملک کی ہر قوم کو مل کر منانا چاہیے


دوستو اس سے بڑی کوئی عبادت ہی نہیں
آدمی کو آدمی کے کام آنا چاہیے


کون سے مذہب میں لکھا ہے کہ نفرت دھرم ہے
مل کے اس دنیا سے نفرت کو مٹانا چاہیے


چاہتے ہے جو کئی ٹکڑوں میں اس کو بانٹنا
ایسے غداروں سے بھارت کو بچانا چاہیے