اقبال کی روح کو تکلیف

کسی جلسہ میں سردار جعفری اقبال کی شاعری پر گفتگو کررہے تھے ۔ ادھر ادھر کی باتوں کے بعد جب سردار نے یہ انکشاف کیا کہ اقبال بنیادی طور پر اشتراکی نقطۂ نظر کے شاعر تھے تو مجمع میں سے کوئی ’’مرد مومن ‘‘ چیختے ہوئے بولا۔’’جعفری صاحب !آپ یہ کیا کفر فرمارہے ہیں ۔ شاعرمشرق اور اشتراکیت لاحول ولاقوۃ۔ آپ اپنی اس خرافات سے اقبال کی روح کو تکلیف پہنچا رہے ہیں ۔‘‘
جلسے کی پہلی صفوں سے مجاز پھلجھڑی کی طرح چھٹتے ہوئے بولے ۔’’حضرت!تکلیف تو آپ کی اپنی روح کو پہنچ رہی ہے جسے آپ غلطی سے اقبال کی روح سمجھ رہے ہیں۔‘‘