سب شکایت ہے زندگانی کی جان نے دشمنیٔ جانی کی ہم سبک دوش ہی جہاں سے گئے نہ کسی طبع نے گرانی کی ہاں سبک سار کر دے اے قاتل جسم پر سر نے سرگرانی کی روح تن پر وبال دوش ہوئی ہے یہ افراط ناتوانی کی عشق برباد کر گیا آخر تھی خبر کس کو ناگہانی کی ایسی اک تیغ آب دار لگا پھر نہ مانگوں جو ...
حالت مری جب اس کو دگر گوں نظر آئی اوروں کی تو کیا چشم مسیحا کی بھر آئی کاہیدہ کیا آہ جنوں نے مجھے یاں تک زنجیر مرے پاؤں کی آخر اتر آئی کس وقت پھنسی تھی کہ رہا ہو کے چمن تک اے وائے نہ پھر بلبل بے بال و پر آئی
باغ میں آمد بہار ہے آج چشم نرگس کو انتظار ہے آج پا بہ زنجیر موج ایسے کہوں باغ میں سرو جوۓ بار ہے آج آئے گا کیا کوئی صنوبر قد قمریوں کا مگر شکار ہے آج نگہت گل ہوئی ہے مژدہ رساں باد کے گھوڑے پر سوار ہے آج وصف کس کا کیا تھا بلبل نے گل جو اس کے گلے کا ہار ہے آج سنگ برسر زناں یہ کس کے ...
جب کہ فرقت میں موت آتی ہے حسرت وصل ساتھ جاتی ہے کیوں صبا قبر بے کساں پہ کبھی نہیں دو پھول بھی چڑھاتی ہے بھول جاتی ہے قبر کی ظلمت یاد زلف سیہ جو آتی ہے جو ترا غم ہمیشہ کھاتا تھا اب اسے خاک گور کھاتی ہے کون اس خاک پر خراماں ہے روح پھولے نہیں سماتی ہے یہاں نقشہ بگڑ گیا اپنا وہ پری ...
ہم رہے یاں تلک ترے غم میں کہ ترا غم سما گیا ہم میں کیوں نہ ہو عشق حسن گندم گوں میں بھی آخر ہوں نسل آدم میں ہے عرق میں بھی اس کے نکہت عطر گل کی بو آ گئی ہے شبنم میں میرے اشکوں کے روبرو دریا ہے بڑا فرق قطرہ و یم میں جیسا جام جہاں نما ہے دل سیر وہ کب ہے ساغر جم میں دل کا ناسور دل کے ...
جب تک کہ تو جلوہ گر نہ ہووے میری شب غم سحر نہ ہووے افسوس کہ جس سے ہم گزر جائیں اور تیرا ادھر گزر نہ ہووے عاشق ترا اپنی جان کھو دے پر حیف تجھے خبر نہ ہووے مر جائیں ہم آہ کرتے کرتے اور دل میں ترے اثر نہ ہووے صد حیف ضمیرؔ ہم تو روئیں اس کی کبھی چشم تر نہ ہووے
صدمے سے شب ہجر کے کب جان بر آئی یہ شام نہیں آئی قضا ہی مگر آئی دیکھا مرا بستر جو کل اس شوخ نے خالی ہر چند کیا ضبط مگر آنکھ بھر آئی کرتا ہے کئی دن سے مرے قتل کی تدبیر صد شکر کہ اس بت کی طبیعت ادھر آئی آتے ہی ترے آ گئی اک جان سی تن میں اے نگہت گیسوئے معنبر کدھر آئی تصویر خیالی کی ...
بستر نرم پر وہ سوتا ہے یاں پس خیمہ کوئی روتا ہے دھیان مژگان آب دار کا آہ دل میں اک نیشتر چبھوتا ہے وصل اس کا نہ پائے گا اے دل کیوں عبث اپنی جان کھوتا ہے قطرۂ اشک کا اثر دیکھو کہ کدورت دلوں کی دھوتا ہے جسے کہتے ہیں یاں سمندر سب میرے اشکوں کا ایک سوتا ہے تو تو غرق محیط عشق ...
چشم کو شوق اشک باری ہے چشمۂ فیض ہے کہ جاری ہے سوزن عیسوی سے کیا ہوگا زخم اپنے جگر کا کاری ہے ہم کہیں اور تم کہیں صاحب خاک یہ زندگی ہماری ہے رکھ کے سر اس قدم پہ مر جاتا بس یہی طرز جاں نثاری ہے کس کا سونا کسے ہے آتی نیند شب ہجراں ہے اور اشک باری ہے یہ جو اڑتی ہے تیرے کوچہ ...