اماں مجھ کو بستہ دے دے

اماں مجھ کو بستہ دے دے
دنیا مجھ کو رستہ دے دے
جانا ہے اسکول مجھے تو جانا ہے اسکول


جان سکوں کہ اچھا کیا ہے
کھرا ہے کیوں کر کھوٹا کیا ہے
حق اور فرض میں فرق ہے کتنا
سچ اور جھوٹ کا جھگڑا کیا ہے


اماں مجھ کو بستہ دے دے
دنیا مجھ کو رستہ دے دے
جانا ہے اسکول مجھے تو جانا ہے اسکول


آگ ہوا پانی اور مٹی
تارے کیوں ہیں کیا یہ زمیں ہے
ہم ہیں کیوں یہ دنیا کیا ہے
حرف ہی سب رازوں کا امیں ہے


اماں مجھ کو بستہ دے دے
دنیا مجھ کو رستہ دے دے
جانا ہے اسکول مجھے تو جانا ہے اسکول