1. صفحۂ اول
  2. قومی زبان
  3. شاعری
  4. آنکھوں میں مری ابر رواں اور طرح کے

آنکھوں میں مری ابر رواں اور طرح کے

آنکھوں میں مری ابر رواں اور طرح کے
دل میں بھی کئی دشت تپاں اور طرح کے


ہیں یاس ترے تیر و کماں اور طرح کے
لفظوں کے سپر میرے یہاں اور طرح کے


احباب سناتے ہیں کوئی اور کہانی
ہیں میرے حریفوں کے بیاں اور طرح کے


اجداد وراثت میں گھٹن چھوڑ گئے ہیں
تعمیر کریں اب کے مکاں اور طرح کے


یہ بات بہاروں پہ ہی موقوف نہیں ہے
موسم ہیں مرے ساتھ جواں اور طرح کے


تم اپنے کو کہتے ہو جدا سب سے الگ سا
آبشار نمایاں ہیں کہاں اور طرح کے


اب شعلۂ خس کی بھی کوئی تاب نہیں ہے
اللہ مرے باندھ سماں اور طرح کے


اندیشے مجھے گھیر نہ لیں کیسے بھلا ہو
گزرے ہیں انہیں بھی تو گماں اور طرح کے


رخسانہ جبیں سے متعلقہ

یہ ہماری زمیں وہ تمہاری زمیں

میں ہوں تو کوئی بتلائے کہ ہاں ہوں

ایک معمہ ہے وہ ویسے کتنا بھولا بھالا ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن