1. صفحۂ اول
  2. قومی زبان
  3. شاعری
  4. سمن بروں سے چمن دولت نمو مانگے

سمن بروں سے چمن دولت نمو مانگے

سمن بروں سے چمن دولت نمو مانگے
ہوائے دامن گل گیسوؤں کی بو مانگے


طراز شوخیٔ پا ہے گیاہ سبز کی مانگ
خرام ناز کا انداز آب جو مانگے


بکھرتی زلف سے ٹوٹے غرور شب کا طلسم
سحر کا حسن فسون رخ نکو مانگے


ورق ورق گل تر موج موج باد سحر
بدن کا لمس ترے پیرہن کی بو مانگے


شگاف کوہ نہ تھا تیشۂ وفا کی طلب
یہ جوئے شیر ابھی اور کچھ لہو مانگے


شکست شیشۂ پندار کی صدا بھی سن
کرم کی بھیک جب اس سنگ دل سے تو مانگے


کہاں وہ شوخ مگر اپنا نطق و لب گوہرؔ
اسی کا ذکر پئے زیب گفتگو مانگے


گوہر ہوشیارپوری سے متعلقہ

اجلے میلے پیش ہوئے

یہاں کون اس کے سوا رہ گیا

سر پر کوئی آسمان رکھ دے

مرحلہ طے کوئی بے منت جادہ بھی تو ہو

متاع عشق ذرا اور صرف ناز تو ہو

ہاں کاہش فضول کا حاصل بھی کچھ نہیں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن