سبز پرچم کے سائے میں آیا نظر

سبز  پرچم کےسائے میں آیا نظر

تیری آنکھوں میں روشن حصارِ وطن

حوصلے عزم و ہمت کے جلوہ فگن

تو نے بخشا چمن کو نیا بانکپن

تو ہے رشکِ چمن، تو ہی رشکِ وطن

تو ستارہ جبیں ،تو ستارہ شکن

تیرے افکار میں ،تیرے شہکار میں

خوابِ اقبال کی

روشنی بھی ہمیں آرہی ہے نظر

قوم کی آن تو ،باعثِ شان تو

محسنِ سرزمیں ،تیری روشن جبیں

چاندنی بن کے راہیں دکھائے ہمیں

راہبر بن کے رستہ بتائے ہمیں