ترے غموں سے عبارت ہے اب خوشی میری گزر رہی ہے سلیقے سے زندگی میری کبھی جو ذرۂ خاکی کا کوئی ذکر چھڑا نگاہ اٹھ کے ستاروں پہ جم گئی میری یہ اور بات کہ جینے کا لطف آ نہ سکا ترے بغیر بھی گزری ہے زندگی میری وہ کیف ہے کہ اب آپا بھی کوئی ہوش نہیں یہ کس مقام پہ لائی ہے بے خودی میری پلک پلک ...
نا مکمل ہیں ابھی تکملۂ ذات کریں ان کو دیکھیں تو خود اپنے سے ملاقات کریں آپ آئیں تو ذرا آپ سے کچھ بات کریں ہونٹ سی لیں مگر آنکھوں سے سوالات کریں گردشوں سے یہ کہو رخ نہ کریں گھر کی طرف اب وہ ہم سے سر مے خانہ ملاقات کریں آپ کے بارے میں سوچا تو بہت تھا لیکن اب ہم اس سوچ میں ہیں آپ سے ...
پھول غم کے کھلے رہے برسوں درد کے سلسلے رہے برسوں زندگی تھی بہت عزیز مگر زندگی سے گلے رہے برسوں ان گلوں کے نسب کا کیا کہنا دھوپ میں جو کھلے رہے برسوں عشق تھی بات ایک لمحے کی ہونٹ اپنے سلے رہے برسوں دوستوں کی تو بات اپنی جگہ ہم کو خود ہی گلے رہے برسوں ایک تعبیر بھی ملی نہ ...
زخم درکار ہیں سینے کے لیے کچھ نہ کچھ چاہیے جینے کے لیے میکدہ تیرا سلامت ساقی آ گئے تھے یوں ہی پینے کے لیے گھٹ کے رہ جاتی ہے آواز کی لو ہر نفس بوجھ ہے سینے کے لیے زندگی کیا ہے یہ کس کو معلوم لوگ بس جیتے ہیں جینے کے لیے کوئی اندیشۂ طوفاں بھی نہیں غم یہ کیا کم ہے سفینے کے لیے میں ...
جان اپنی چلی جائے ہے جائے سے کسو کے اور جان میں جان آئے ہے آئے سے کسو کے وہ آگ لگی پان چبائے سے کسو کے اب تک نہیں بجھتی ہے بجھائے سے کسو کے بجھنے دے ذرا آتش دل اور نہ بھڑکا مہندی نہ لگا یار لگائے سے کسو کے کیا سوئے پھر غل ہے در یار پہ شاید چونکا ہے وہ زنجیر ہلائے سے کسو کی کہہ دو ...
صوفی ہوں نہ واعظ ہوں نہیں ہوں ملا بلبل نہیں اے گل جو کہوں میں گل لا وہ رند ہوں مل مے کدۂ دیر میں میں ملا سے بھی کہتا ہوں کہ ملا مل لا
ہیں ایک حکیم جی بہ شکل طاعون ہے رقص تقسیم مخل ان کا قانون پڑھتے ہیں نفیس اور خود ہیں وہ کثیف نسخے ہیں عجیب اور طرفہ معجون
احسان جو اجل سے کام تیرا بگڑے اس وقت نہ ہو دل میں جہاں کے جھگڑے یوں تو کلمہ پڑھے طوطا بھی ولے ٹیں ٹیں کرتا ہے جب بلی پکڑے
پاسبانوں پاسبانی دیکھ لی ہر نظر کی مہربانی دیکھ لی آئے بولے ہنس دیے پھر چل پڑے چار روزہ زندگانی دیکھ لی اب چمن کا رنگ رنگیں ہو چکا باغباں کی باغبانی دیکھ لی گل کا دامن چاک دیکھا رات کو صبح کو پھر نوحہ خوانی دیکھ لی مالی گلشن کا وہ ظلم و ستم بلبلوں کی بے زبانی دیکھ لی جن لبوں ...
جادۂ مے پہ گزر خوابوں کا مڑ گیا سیل کدھر خوابوں کا زندگی عظمت حاضر کے بغیر اک تسلسل ہے مگر خوابوں کا ظلمتیں وحشت فردا سے نڈھال ڈھونڈھتی پھرتی ہیں گھر خوابوں کا قریۂ ماہ سے اس بستی تک روز ہوتا ہے گزر خوابوں کا صبح نو روز بھی دل کش ہے عروجؔ اس قدر رنج نہ کر خوابوں کا