نٹ کھٹ

کاپی بیچی ٹافی کھائی
آخر ٹیچر تک بات آئی
خوب ہوئی پھر کان کھنچائی
ایسی حرکت ہی کیوں کی تھی
کیوں روتے ہو نٹ کھٹ بھائی
چھت پر ایک گرا کنکوا
جھٹ پٹ دوڑے کھانا چھوڑا
کھا گئی بلی دودھ ملائی
ایسی حرکت ہی کیوں کی تھی
کیوں روتے ہو نٹ کھٹ بھائی
ایک گدھے کی دم میں باندھا
تم نے ہنس ہنس کر اک پیپا
اس نے منہ پر لات جمائی
ایسی حرکت ہی کیوں کی تھی
کیوں روتے ہو نٹ کھٹ بھائی
بروں کے چھتے کو توڑا
بروں نے بھی خوب بھنبھوڑا
کپا جیسی شکل بنائی
ایسی حرکت ہی کیوں کی تھی
کیوں روتے ہو نٹ کھٹ بھائی
دھیان نہ تھا پڑھنے لکھنے کا
دیکھو آخر فیل ہوئے نا
کیسی ہوتی ہے رسوائی
ایسی حرکت ہی کیوں کی
کیوں روتے ہو نٹ کھٹ بھائی