جوئے کم آب سے اک تیز سا جھرنا ہوا میں
جوئے کم آب سے اک تیز سا جھرنا ہوا میں
تیری جانب ہوں رواں شور مچاتا ہوا میں
مجھ سے خالی نہیں اب ایک بھی ذرہ ہے یہاں
دیکھ یہ تنگ زمیں اور یہ پھیلا ہوا میں
دیکھ کر وسعت صحرائے تپاں لرزاں ہوں
ساحل دیدۂ نمناک پہ ٹھہرا ہوا میں
پا بہ زنجیر ادھر تیز ہوا اور ادھر
خاک کے تخت پہ سلطان سا بیٹھا ہوا میں
کوئی خورشید سا دنیا پہ چمکتا ہوا تو
کسی دیوار سے سایہ سا نکلتا ہوا میں
