اک نگری سبز امنگوں کی (ردیف .. ا)

اک نگری سبز امنگوں کی
اک زندہ شہر خزینوں کا


اک جل تھل پیہم خوابوں کی
اک جگ مگ ہار نگینوں کا


اک سچی بات زمانوں کی
اک گہرا درد زمینوں کا


اک کالی رات گمانوں کی
اک روشن پہر یقینوں کا


اک قصہ گزرے موسم کا
اک رستہ روشن زینوں کا


اک کثرت رشتے ناطوں کا
اک گھر سنسار قرینوں کا


اک سبز بشارت نصرت کی
اک جلوہ خاک نشینوں کا


اک ندی صدیوں قرنوں کی
اک چشمہ سال مہینوں کا


اک نام سے دھوپ میں برکھا رت
اک اسم طلسم جبینوں کا