1. صفحۂ اول
  2. قومی زبان
  3. شاعری
  4. ڈرا کے موج و تلاطم سے ہم نشینوں کو

ڈرا کے موج و تلاطم سے ہم نشینوں کو

ڈرا کے موج و تلاطم سے ہم نشینوں کو
یہی تو ہیں جو ڈبویا کیے سفینوں کو


جمال صبح دیا روئے نو بہار دیا
مری نگاہ بھی دیتا خدا حسینوں کو


ہماری راہ میں آئے ہزار مے خانے
بھلا سکے نہ مگر ہوش کے قرینوں کو


کبھی نظر بھی اٹھائی نہ سوئے بادۂ ناب
کبھی چڑھا گئے پگھلا کے آبگینوں کو


یہی جہاں ہے جہنم یہی جہاں فردوس
بتاؤ عالم بالا کے سیربینوں کو


ہوئے ہیں قافلے ظلمت کی وادیوں میں رواں
چراغ راہ کیے خونچکاں جبینوں کو


تجھے نہ مانے کوئی تجھ کو اس سے کیا مجروحؔ
چل اپنی راہ بھٹکنے دے نکتہ چینوں کو


مجروح سلطانپوری سے متعلقہ

یوں تو آپس میں بگڑتے ہیں خفا ہوتے ہیں

وہ جس پہ تمہیں شمع‌ سر رہ کا گماں ہے

خنجر کی طرح بوئے سمن تیز بہت ہے

ادائے طول سخن کیا وہ اختیار کرے

مجھ سے کہا جبریل جنوں نے یہ بھی وحیٔ الٰہی ہے

مجھے سہل ہو گئیں منزلیں وہ ہوا کے رخ بھی بدل گئے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن